Menu principal

Menu principal

Iẓreg-d Usqamu unnig n timmuzɣa yiwen n umawal n « Tasniremt n umezruy »

Yeffeɣ-d ass n : Lexmis, 21 Yennayer 2021 23:09   Ɣran-t : 182 n tikkal
Iẓreg-d Usqamu unnig n timmuzɣa yiwen n umawal n « Tasniremt n umezruy »

LEZZAYER  TAMANEƔT - Yeffeɣ-d yiwen n umawal Tafransit-Tamaziɣt yerzan tasniremt n umezruy i wakken ad acarent kra n tekwatin deg taɣult n tesnulfawalt, yeẓreg-it-id usdawan Habib-Allah Mansouri.

Yeẓreg-it-id Usqamu Unnig n Timmuzɣa d adlis n 210 n yisebtar yersen deg yiwen n ukala n ufares n tesniremt n umezruy izemren ad yili d afecku i yimuhal n usuqel n yidlisen n umezruy ɣer Tmaziɣt akked uselmed n umezruy deg yigezda yemgarden n tutlayt akked yidles amaziɣ.

Amawal-a, yers daɣen deg ubrid n unadi i d-yeldi « Amawal », d amahil amezwaru n unadi i d-yessumren amawal n Tamaziɣt-Tafransit akked Tafransit-Tamaziɣt, ɣef uqerru-s amaru, amesnemdan akked umesniles Mouloud Mammeri i d-ẓergen deg useggas n 1975.

Yefren-d usdawan igaktiyen i d-yeddem seg yidlisen n umezruy yezzwer amezruy n Tefriqt n Ugafa i wakken ad yessumer igdazalen s Tmaziɣt.

Igdazalen-a ttwasɣenwen-d s usemres s yiwalnuten ilɣanen, asekcem n wawal amaynu i d-yettwaɣenwen seg yilugan n usileɣ n Tmaziɣt, iwalnuten isnamkanen, ttwaddmlen-d seg yinamken yettwafkan i wawalen, akked yireṭṭalen n wawalen i d-yekkan seg tutlayin-iḍen.

Adlis-a ur yettnuzu ara berra maca ttaken-t i yimnuda akked temkarḍiwin.

D asdawan yerna d amsuqel, yettekka Habib-Allah Mansouri deg mennaw n yimuhal n unadi n Usqamu yerna yeẓreg-d imawalen-iḍen yemmuzgen, yerna yessuqel-d mennaw n yidlisen ideg yella wungal « Ageffur n wureɣ » n Mohamed Sari.

Last modified on Lḥedd, 24 Yennayer 2021 10:59
Iẓreg-d Usqamu unnig n timmuzɣa yiwen n umawal n « Tasniremt n umezruy »
  Yeffeɣ-d ass n : Lexmis, 21 Yennayer 2021 23:09     Taggayt : IDLES     Ɣran-t : 182 n tikkal   Bḍu