Menu principal

Menu principal

Tcar Teṛmist taɣelnawt n uẓrag n teɣwalt akked udellel tinemsal n tɣuri i yigruden

Yeffeɣ-d ass n : Ttlata, 19 Yennayer 2021 21:19   Ɣran-t : 155 n tikkal
Tcar Teṛmist taɣelnawt n uẓrag n teɣwalt akked udellel tinemsal n tɣuri i yigruden

LEZZAYER  TAMANEƔT - Tcar Teṛmist taɣelnawt n uẓrag n teɣwalt akked udellel (Anep), ass n uynas (letniyen) deg tnedlist Chaib-Dzair deg Lezzayer tamaneɣt, tinemsal n tɣuri i yibalmuden n uɣerbaz azwaran, iswi-nsent d asiɣi n tannumi n tɣuri i yigruden, d taɣawsa yessefken ad tili i wakken ad yemmed umdan.

Mraw n yigruden i d-yekkan seg yiɣerbazen izwaranen, umaren imi la teddun ad ddren yiwet n termit « ur nnumen ara », acku ɣur-sen, taɣuri n udlis tettili-d kan deg « uɣerbaz neɣ deg uxxam », ṭṭfen imeḍqan deg tnedlist i wakken ad ttekkin deg tnemselt n tɣuri s tutlayt taɛrabt « i d-yettilin yal aynas (letniyen) », ma d tin n tutlayt tafransit tettili-d « yal asamas (lḥedd) », ɣef wakken i d-tenna tsemtart yettwakelfen s tebniqt yisliẓri akked awssaɣen tinagdudine n Teṛmist taɣelnawt n uẓrag n teɣwalt akked udellel, Rachida Belheraoui.

Igruden-nni wwin-ten-id yimarrawen-nsen, qqimen zzin d tawinest, la ttwalin akk ayen i asen-d-yezzin, tawennaḍt-a tamaynut « yeččuren d idlisen » ideg yal yiwen deg-sen « ad yeddem amḍiq-is deg tlemmast n tegrawt akken ad yemmeslay », s tɣuri n yiwet n tmacahut, sakin ad yessezgi i yimeddukal-is tuzzma yellan deg tmacahut.

Yiwet n tmekfaḍut yettwakelfen s usegrer n tegrawt tamezwarut n yigruden, teɣra-d yiwet n tmacahut, ɣur yiman-is, am wakken i d-tenna fell-as yiwet n tselmadt yellan din akked yelli-s, d « tarusi n tmacin ɣef ubrid-is n wuzzal », tekkes akk tigdin » i d-iḍefren « akud-nni n tsusmi » ara « iqabel » yal agrud ara yekkren ad d-iɣer adlis sakin ad d-yessezgi tamacahut sdat « n usmuzget ameqqran n wid i as-d-yezzin ».

Tcar Teṛmist taɣelnawt n uẓrag n teɣwalt akked udellel tinemsal n tɣuri i yigruden
  Yeffeɣ-d ass n : Ttlata, 19 Yennayer 2021 21:19     Taggayt : IDLES     Ɣran-t : 155 n tikkal   Bḍu