Menu principal

Menu principal

LEZZAYER TAMANEƔT – Aselwa n Tegduda, Abdelmadjid Tebboune isers ass n uynas (letniyen) Tasmilt taɣelnawt n uktazel akked uɣram n wid yettwaḍurren seg tmes n tẓegwa i d-yeḍran deg mennaw n yigezda, i d-tenna tselwit n Tegduda deg yiwen n ulɣu.
LEZZAYER TAMANEƔT – Tisguriwin n tkerkas i d-yekkan seg Meṛṛuk yerzan Lezzayer mmalent-d tilin n « tɣennant taderɣalt » i wakken ad teskerker Israyil ɣer yiwen n « ubrid meckuken » mgal n Lezzayer, i d-yesguri ass n Usamas (lḥedd) uneɣlaf n Yiweẓla iwerdaniyen akked umɣiwan aɣelnaw yellan beṛṛa n tmurt.
LEZZAYER TAMANEƔT – Aneɣlaf Amenzu, aneɣlaf n Tiẓraf, Aïmene Benabderrahmane, yesselwi ass n Usamas (lḥedd) yiwet n temlilit n Unabaḍ, rzan-tt i yigzumen n Teɣdemt, n Uselmed unnig, n Teẓwert, n Umesni akked Twennaḍt rnu daɣen Assaɣen akked Umni, i d-yenna yiwen n ulɣu n yimeẓla n uneɣlaf Amenzu ha-tt-an tukkist seg-s :
ZZAYER TAMANEƔT – Yerza uselway n tegduda, Abdelmadjid Tebboune, ass n usiḍyas, ɣef yiɣarimen d yiredsanen yerɣan yellan deg usegnaf aredsa n Ɛin Nneɛǧa d usegnaf n Ddwira (Zzayer) yellan d tiɣtas deg tmessiwin ay yeswaɣen mennaw n temnaḍin n tmurt.
ZZAYER TAMANEƔT – Yewweḍ-d yiwen n usafag aspenyuli yesɛan akettur n 3000 n yilitren n waman ɣer Zzayer ass n usiḍyas tameddit i usejhed n wammaken n umennuɣ mgal tmest ay inekren deg mennaw n twilayin seg wass n uynas yezrin.
ZZAYER TAMANEƔT – Yeɣtes uneɣlaf amenzu, Aimene Benabderrahmane, ad yesseɣzef akaten n ukman amuran deg uxxam (seg tis 8:00 ɣer uzekka-nni ɣef tis 6:00) deg 40 n twilayin i tallit n 15 n wussan seg wass n usamas 15 Ɣuct 2021 d asawen.
ZZAYER TAMANEƔT – Icaɣli-d uselway n tegduda, Mass Abdelmadjid Tebboune, ass n ukwas, mgal urkaḍ n tdukli taɣelnawt d wammad n tmuggiyin d tezɣan ayɣef tettekk tmurt i usmendeg n tegnit d uzraɛ n ubeḍḍu gar warraw n uɣlan.
TIZI UZZU – Aṭas n yisimiyen d yikamyunen niḍen ay itteddun ɣer temnaḍin yeḍruran n Tizi Uzzu aydeg tuɣ tmest yefkan axeṣṣar d ameqqran seg wass n uynas, yernu aya yesskanay-d affaf n temsetlelt d tegmat d tdukli yellan gar Yizzayriyen.
ZZAYER TAMANEƔT – Yeckeṛ-d uselway n tegduda, Abdelmadjid Tebboune, ass n ukwas tameddit, deg yiwet n tinawt n uɣref azzayri, affaf n temsetlelt i wid yeḍruran seg tmessiwin n tẓegwa yernu icaɣli-d mgal wid yeɣsen ad amden takesna-a akken ad swaɣen tadukli taɣelnawt.
ZZAYER TAMANEƔT – Yemmuger uneɣlaf n temguri d yinaɣzen, Mohamed Arkab, ass n ukras deg yijifeṛ n tedwilt tis 17 n Tseqqimt Tasindisant Tasnuddsant Tazzayrit-Tamalit, aneɣlaf amali n yinaɣzen, Lamine Seydou Traore, ɣef wakken ay d-yenna yiwen n ulɣu n uɣlif azzayri n temguri.