ZZAYER TAMANEƔT – Yeckeṛ-d uneɣlaf n tdawsa, Abderrahmane Benbouzid, ass n usinas deg Zzayer Tamaneɣt, tamlilt n tmetti taɣarimt deg wussisen i umennuɣ mgal tkaɣreft n Covid-19 ɣer yidis n yiɣermanen d yimsaduren n tdawsa.

ZZAYER TAMANEƔT – Ur d-tettwakles ula d yiwet n tejṛut n unfafad bu tedri (Covid-19) deg 24 n yisragen ineggura deg Zzayer, ɣef wakken ay d-yenna, ass n usamas, uɣlif n tdawsa deg yiwen n ulɣu.

ZZAYER TAMANEƔT – Yeɣtes uneɣlaf amenzu, aneɣlaf n tedrimt, Aimene Benabderrahmane, akken ad qqlen yibalmuden ɣer uɣerbaz (deg kraḍt n tallusin: tamenzut, talemmast d tesnawant) ass n usamas, ɣef wakken ay d-yenna, ass n ukwas, yiwen n ulɣu n yimeẓla n uneɣlaf amenzu.

ZZAYER TAMANEƔT – Yules iwekked-d unemhal n yirmuden isnajyanen d yidisnajyanen n usegnaf asdawan n Mustapha-Pacha (Zzayer Tamaneɣt), ass n ukwas, dakken yessefk ad d-wten medden tagezzayt s tɣawla deg tallit-a aydeg llan aṭas seg yimahalen isnajyanen ay yuḍnen aḍḍan n Covid-19.

ZZAYER TAMANEƔT – Yeɣtes uɣlif n tdawsa ad yessireg tinesfarin ad ttgent ikayaden n ukcaf n waḍḍan n Covid-19.

ZZAYER TAMANEƔT – Yenced-d uneɣlaf amenzu, aneɣlaf n tedrimt, Aimene Benabderrahmane, imaslaḍen n unabaḍ akken ad wexxren akk tirza-nsen n umahil d usefqed ay llan ssefrayen ad tent-gen ɣef twilayin n tmurt yernu yella-d waya ɣef lǧal n tegnit tabayyurant aydeg tella tmurt d tmerniwt taxatart n umḍan n wid yettaḍnen aḍḍan n Covid-19.

ZZAYER TAMANEƔT – Yeɣtes unabaḍ, i lmend n usefrek n tezɣent tadawsant n tkaɣreft n unfafad bu tedri, akken ad yecreḍ amsukki agezzayan i wakk wid ara yeffɣen niɣ ad adfen ɣer ugelluy aɣelnaw niɣ wid ara yeddun ɣer kra n tallunin, ideggen d waṣuken wuɣur tteddun aṭas n medden.

ZZAYER TAMANEƔT – Tenna-d Tnegga Taɣelnawt n Yifarisen Iwesfaren, ass n usinas, dakken tagezzayt mgal waḍḍan n Covid, Coronavac, ay tettfaras Saidal s ublag d tnaremt tacinwat n Sinovac, ad tebdu ad tettnuzu seg-a ɣef « kra n yimalasen ».

ZZAYER TAMANEƔT – Ametwi animir n umesten d uḥezzeb mgal waḍḍan n unfafad bu tedri (Covid-19) yesseɣzef-it unabaḍ i tallit n mraw (10) n wussan seg wass n ukras d asawen, ɣef wakken ay d-yenna, ass n ukras, ulɣu n yimeẓla n uneɣlaf amenzu.  

ZZAYER TAMANEƔT – Zzayer tessefray ad tessiǧew tagezzayt n unfafad bu tedri n « CoronaVac » ɣer tmura n Tefriqt. Tanecta tamezwarut n tgezzayt-a ad d-teffeɣ ass n ukras seg tneɣreft n Saidal n Qsenṭina, ɣef wakken ay d-yenna, ass n uynas, uneɣlaf n temguri tawesfart, Abderrahmane Lotfi Djamel Benbahmed.