ZZAYER TAMANEƔT – Ixebber-d uneɣlaf n tkerrazt d usnegmu awmazir, Mohamed Abdelhafid Henni, ass n ukwas deg Zzayer Tamaneɣt, dakken yettili-d umahil deg ugzum-nnes i lmend n wallus n usuddes n usedger n temẓin yettwaskeblen i yimeksawen deg wakk timnaḍin n ugelluy aɣelnaw, yernu ad ikemmel umahil-a arma d Ctembeṛ d Tubeṛ n useggas-a.

ZZAYER TAMANEƔT – Iger-d tiɣri uselway n Ugraw Aɣerfan Aɣelnaw, Brahim Boughali, ass n ukwas, i usmuteg n usaḍuf agmanan ara d-yilin deg udeg n usaḍuf 12-06 n 12 Yennayer 2012 yerzan tiddukliwin yernu aḍris-a amaynu d win ara « yeddun d wayen tesri Zzayer tamaynut d yilugan n tmenḍawt n 2020 am wakken ara yeddu waya d tmuɣli n uselway n tegduda, Mass Abdelmadjid Tebboune, ay yefkan tixxutert meqqren i temlilt n tmetti taɣarimt s umata d tiddukliwin s lxuṣuṣ ».

ZZAYER TAMANEƔT – Teckeṛ-d tnarit n Useqqamu n Uɣlan, yemlalen ass n usinas ddaw tmehla n Salah Goudjil, aselway n useqqamu, tigrayin n temlilit taneggarut n useqqamu n yineɣlafen, ladɣa tid yerzan « amuqqen i usmal n yidis anmetti-amsadur n yimahalen », ɣef wakken ay d-tenna texxamt-a tunnigt n umni deg yiwen n ulɣu.

ZZAYER TAMANEƔT – Aseqqamu n Uɣlan iderwen deg Usmanay Agraɣlan Wis 5 n Yimeɣtasen Izerfanen n Lqahira (Maṣer) iwekked-d ɣef « termit tawamnit tazzayrit deg useḍru n usnegmu unzig », ɣef wakken ay d-yenna yiwen n ulɣu n texxamt tunnigt n umni.

ZZAYER TAMANEƔT – Sduban, ass n usinas, deg tesɣimt n Ugraw Aɣerfan Aɣelnaw, Tagrawt Tawamnit n Tammidwa gar Zzayer d Ccinwa s yiswi n usdusu n unmireg gar snat-a n tmura.

ZZAYER TAMANEƔT – Ixebber-d uneɣlaf n ugensu, tinbaziyin tidiganin d useqɛed n ugelluy, Kamel Beldjoud, dakken imeẓla n ugezdu-nnes lhan-d, ussan-a, s usekyed n yisenfaren ugrisen deg wakk tiwilayin n tmurt i wallus n uktazel-nsen d usekker-nsen.

ZZAYER TAMANEƔT – Ad yeg Ugraw Aɣerfan Aɣelnaw, ass n ukwas, tiɣimit tačuṛant i tuttriwin tinimiyin ara yettunefken i semmus (5) n yineɣlafen, ɣef wakken ay d-yenna yiwen n ulɣu n texxamt-a n umni.

ZZAYER TAMANEƔT – Tagrawt Tawamnit n Tammidwa gar Zzayer d Falesṭin sduban-tt ass n uynas deg Ugraw Aɣerfan Aɣelnaw yernu ad d-tili d « akatar n usemyuddes ara yefken i tdiplumatit tawamnit ugar n usakel i lfayda n temsalt tafalesṭinit ».

ZZAYER TAMANEƔT – Tga tseqqamut n yiweẓla izerfanen, ideblanen d tlelliyin n Ugraw Aɣerfan Aɣelnaw, ass n ukwas, timilit ay yesselwi Mohamed Aziz, i usekyed n yisenwiyen ay d-yettwassumren i yiḍrisen n usaḍuf ayɣef d-yella uskasi imalas-a deg tɣimiyin tičuṛanin, ɣef wakken ay d-yenna yiwen n ulɣu n ugraw-a.

RAMALLAH – Iger-d tiɣri Useqqamu Aɣelnaw Afalesṭini, ass n uynas, i yigrawen iwamniyen imnaḍanen d yigraɣlanen akken ad ḥeṛsen inabaḍen n tmura-nsen akken ad ddmen akaten d utriben i uḥbas n tejrimin n uwdag isṛayili d tuddsiwin n yimharsen mgal Yifalesṭiniyen.