LEZZAYER TAMANEƔT – Talɣuɣa n Tefriqt n Tatlitit ay ssefran, naqal, ad d-tili deg Yunyu deg Lezzayer Tamaneɣt, tettwawexxer ɣef lǧal n tkaɣreft n unfafad bu uqacuc yernu ad d-tili ayyur uqbel Uraren Ulampiyen n Tokyo n 2021, ɣef wakken ay d-yenna, ass n usimwas, Hamad Kalkaba Malboum, aselway n Tkunfidiṛalit Tafriqit n Tatlitit.

QSENṬINA – Imeẓla n tɣellist n twilayt n Qsenṭina sensen, ass n usimwas, aɣtas n twilayt ay iḥettmen ɣef yimsenza d yiɣermanen ad ttlusun tigelmusin deg tallunin tinezzanin d tedbelt tanagdudt akken ur izerreɛ ara unfafad bu uqacuc amaynu.

LEZZAYER TAMANEƔT – Anmalu Aɣelnaw n Tneggiwin n Tmerrit d Usikel iger-d tiɣri i usmemmi n uɣawas aɣelnaw i usukkes n ugzum n tmerrit ay ikerfen ɣef lǧal n uzraɛ n tkaɣreft n unfafad bu uqacuc, yernu ad d-yili usukkes-a s uɛeffu seg uxelleṣ n tewsi d yiriri n yismadin i tbankiwin d useɣnew n usenduq n uḍman i tallalt n tneggiwin ay tḥuza tezɣent-a, ɣef wakken ay d-yenna, ass n ukwas, umaru amatu n unmalu-a, Lies Snouci.

LEZZAYER TAMANEƔT – Tamiḍi d tamrawt semmus (185) n tejṛa n unfafad bu uqacuc ay d-yettwawekkden yernu mmuten 7 n yimdanen deg tecrawt taneggarut ay d-yeffɣen ass n ukwas deg Lezzayer, ɣef wakken ay d-yenna umutlay n Tesmilt Tussnant n Uḍfar n Umhaz n Tkaɣreft n Unfafad bu Uqacuc, Djamel Fourar, ay d-yernan dakken aɣrud n tejṛa d-yettwawekkden yewweḍ ɣer 5182, ma d amḍan n yimettinen yewweḍ ɣer 483.

ZZAYER TAMANEƔT – Iwekked-d unemhal amatu n Teṛmist Taɣelnawt n Umesni Ubruzlan, Yacine Bendjaballah, dakken taṛmist-a texṣer azal n umelyaṛ n yidinaṛen seg wasmi ay d-yebda usigel n yirmuden-nnes ɣef lǧal n tkaɣreft n unfafad bu uqacuc, yernu aya yettgensis-d 50% seg uzwil-nnes n yiweẓla ɣef leḥsab n tallit-a ilindi.

ZZAYER TAMANEƔT – Yenna-d Upṛufisur Abdelkrim Soukehal, yettmahalen d amsenbayyur yernu d amazzag deg tesnajya n uḥezzeb, dakken tezdeg n yifassen d netta ay d llsas deg uḥezzeb mgal unfafad bu uqacuc amaynu (Covid-19).

CCLEF – Aneɣlaf n tdawsa, Abderrahmane Benbouzid, yenna-d, ass n usinas seg Cclef, dakken ad rnun i tekfi tasurfant n tmijewt ay yeɣtes ad tt-yefk uselway n tegduda i yimahalen n tdawsa ay yettqabalen abayyur n unfafad bu uqacuc akken ad d-tḥaz ula d taggayin niḍen.

ZZAYER TAMANEƔT – Tcar-d Texxamt Tazzayrit n Tnezzut d Temguri yiwet n tsentayt i udhal n teṛmisin tidamsanin akken ad zemrent ad kemmlent irmuden-nsent n ufares yernu ad ttxelliṣent tilawiyin n umahalen-nsent deg tallit-a n uzraɛ n unfafad bu uqacuc, ɣef wakken ay d-tenna tsudut-a ass n usamas deg yiwen n ulɣu.

ZZAYER TAMANEƔT – Yeɣtes useqqamu n yineɣlafen, ass n usamas, ad d-yessileɣ tasmilt ara yesselwi uneɣlaf amenzu yernu d tin ara d-igen isumren yessefken i ufaki n useggas-a aɣurbiz, yernu ass n usamas ara d-yili uɣtas agaran ɣef temsalt-a deg useqqamu n yineɣlafen.

ZZAYER TAMANEƔT – Iwekked-d uselway n tegduda, Abdelmadjid Tebboune, dakken « tuɣdaḍt d unmeqqen-nneɣ imezwura d amesten n uɣref » seg uzraɛ n unfafad bu uqacuc.