LEZZAYER  TAMANEƔT - Ajiniral n Tfekka n Tredsa, Saïd Chanegriha, Aɣella n Yifesyanen n Tredsa taɣelnawt taɣerfant, yenna-d ass uynas (letniyen) deg Beccar dakken Lezzayer « meqqret » yerna « teǧhed » s umezruy-is akked tesnakalt-is, teklal ad tili Tredsa-s « tezga ters deg uswir n yicqirrwen imiranen », ladɣa mi ara tili « liḥala ur terkid ara » am wakka i tella tura temnaḍt, i d-yenna yiwen n ulɣu n uɣlif n Temḥaddit taɣelnawt.

LEZZAYER TAMANEƔT – D taɣlamt n Tiḍaf Tigdudanin ay irebḥen Taqbuct Taredsant n Lezzayer n Utaekwondo ay d-yellan ussan n uynas d usinas deg Wammas n Usemsegraw d Usewjed n Teɣlamin Taddalanin Tiredsanin n Benɛeknun, Ameɣrus Messaoud-Boudjriou, s udraw n 17 n teɣlamin.

LEZZAYER TAMANEƔT – Iger-d tiɣri ujiniṛal n tfekka n tredsa Said Chanegriha, aɣella n yiɣallen n Tredsa Taɣerfant Taɣelnawt, ass n uynas deg Lezzayer Tamaneɣt, i usmemmi n tarrayin d tetwilin tussnanin d titrarin i lmend n uqabel n tmijwin timeqqranin d twuɣa tigamanin yernu yessefk ad d-yili waya s uheyyi n tezrawin tisnazranin d usbeddi n tsemsedda i lmend n usejhed n unmireg gar tsuda yemgerraden ay terza temsalt n usefrek n twuɣa.

TIHERT – Tga teṛmist n uɣraf n yimseddayen n Mercedes Benz (SAFAV-MB) n Ɛin Bucqif (Tihert) asgalu n 818 n yimseddayen igetwuriyen, ass n ukras, 13 n yimsaɣen n yigzumen anagdud d wuslig. Taṛmist-a teqqen ɣer Tredsa Taɣelnawt Taɣerfant.

LEZZAYER TAMANEƔT – Iwekked-d ujiniṛal n tfekka n tredsa, Said Chanegriha, ass n ukwas deg Lezzayer Tamaneɣt, dakken imahalen iredsanen yessefk ad akin « hullan » i tixxutert n yicqirrwen iɣellisanen yellan d wid ay izemren ad ilin yernu yessefk ad ten-qablen, ɣef wakken ay d-yenna yiwen n ulɣu n uɣlif n umzaɣ aɣelnaw.

LEZZAYER TAMANEƔT – Yenna-d ujiniṛel n tfekka n tredsa, Said Chanegriha, aɣella n yiɣallen umrigen n Tredsa Taɣelnawt Taɣerfant, ass n usiḍyas deg Wehṛan, dakken tuzwirt n Lezzayer, yellan deg tegnit d taxatart, nettat d « acegger n tmenḍawt » s uciweṛ n uɣref ara d-yinin tannayt-nnes s tlelli d tnaya, ɣef wakken ay d-yenna yiwen n ulɣu n uɣlif n umzaɣ aɣelnaw.

LEZZAYER TAMANEƔT – Sin n yisafagen iredsanen ay d-yessebges Unzaḍ Unnig n Tredsa Taɣelnawt Taɣerfant akken ad yessiweḍ, ass n usinas, tallalt tamdanant i uɣref anijiri deffir yiḥemmalen ay iḥuzan mennaw n temnaḍin deg tmurt-a, ɣef wakken ay d-yenna uɣlif n umzaɣ aɣelnaw.

LEZZAYER TAMANEƔT – Iwekked-d ujiniṛal n  tfekka n tredsa, Said Chanegriha, ass n ukwas deg Wehṛan, dakken anẓad unnig n tredsa yettḥakaṛ ad as-yefk i tegriwa tazzayrit « adeg ay tuklal », yernu yesmekti-d dakken yiwen ur yezmir ad yenkeṛ dakken, zik, tella tegriwa-a d nettat ay ijehden akk deg Yilel Agrakal yernu llant ttaggadent-tt tmura niḍen, ɣef wakken ay d-yebder yiwen n ulɣu n uɣlif n umzaɣ aɣelnaw.

CERCAL (Tipaza) – Yesselwi uselway n tegduda, Abdelmadjid Tebboune, aɣella anafella n yiɣallen umrigen yernu d aneɣlaf n umzaɣ aɣelnaw, ass n usiḍyas deg Tkadimit Taredsant n Houari-Boumediene n Cercal, tafugla n tuffɣa n 3 n tesmalin n yifesyanen n Tredsa Taɣerfant Taɣefant.  

LEZZAYER TAMANEƔT – Iwekked-d uselway n tegduda, ass n ukwas deg Ɛin Nneɛǧa (Lezzayer), dakken Tawinest n Usmel n Tredsa Taɣelnawt Taɣerfant n Temnaḍt Taredsant Tamezwarut d adday amecṭuḥ ay uklalen yifesyanen d yidufesyanen n tredsa.