ADDIS ABEBA – Yenna-d uselway n tegduda, Abdelmadjid Tebboune, ass n usamas (lḥedd) deg Addis Abeba dakken « Lezzayer tamaynut ay yettwabnayen imir-a d tin ara yeqqimen dima d tamekdit i yimenzayen d yinmeqqan-nnes yernu ad teqqel ad tetturar tamlilt-nnes d tummidt deg Tefriqt d umaḍal ».

ABIDJAN – Nnan-d yimttekkiyen deg Temlilit Tamnaḍant Tafriqit Tis 14 n Tuddsa Tagraɣlant n Umahil, deg tgara n temlilit-a, ass n usimwas (ljemɛa) deg Abidjan, dakken yessefk ad yeqqel umahil ayyes ara d-yekfu yilemẓi afriqi iman-nnes d tilawt.

LEZZAYER TAMANEƔT – Yenna-d uneɣlaf n yimahilen inagduden, Mustapha Kouraba, deg Unmager Afriqi n Ussefti ay la yettkemmilen, ass n usiḍyas (ssebt) deg Lqahira, dakken yessefk ad d-sbedden akatar azerfan ara yesselhun anezwi n yiweẓla d ujbad n yisseftiyen ɣer Tefriqt, ɣef wakken ay d-yenna yiwen n ulɣu n uɣlif-a.

SOTCHI (RRUS) – Aɣella n Uwanak, Abdelkader Bensalah, yenna-d, ass n ukwas (lexmis) deg Sotchi (Rrus), dakken timlilit n Tqacuct tamezwarut Rrus Tafriqt d ‘’taneqqiḍt n uqelleɛ’’ ɣer yiwen n umecwar amaynut n tɣara deg wayen yerzan assaɣen isindisanen, yezzireg-d dakken Tafriqt teldi tiwwura-s i wakk icriken-is iwerdaniyen, s useɣnew n yimyigren n yimdiwenniyen isindisanen neɣ n yigetdisanen deg teɣula yemgarden.

YOKOHAMA – Takerrazt tessefk i unnegmu n Tefriqt, d acu kan, yessefk daɣ ad yennerni usseqdec n tmacinin n tkerrazt i lmend n tmerniwt n ufares akerrazan, ɣef wakken ay d-tenna Tuddsa n Yiɣlanen Yeddukklen n Tuččit d Tkerrazt deg usmel-nnes n Internet.

WAGADUGU – ‘’Alamma d taggara n ukud’’ n temseḍrut tazzayrit Yasmine Chouikh i yewwin Arraz Oumarou Ganda n usaru ufrin amezwaru n teẓrigt tis 26 n Tfaska tagrafriqant n ssinima akked tliẓri n Wagadugu (Fespaco), yemdel tiwwuras ass n usiḍyas (ssebt) tameddit.

NEW YORK – Iger-d tiɣri Ramtane Lamamra, agensas unnig n Tdukli Tafriqit d-yelhan s uzwur n « Ussusem n Yimrigen deg Tefriqt, ass n ukras (laṛebɛa) deg New York, i lmend n uqabel n talwit deg Tefriqt, yernu iwekked-d dakken yessefk ad d-yili, s lḥir, yidlis d ujhid i uḥezzeb mgal yimyenkafen.

ADDIS-ABEBA – Amasay n Tesmilt n Tukli tafriqit i Telwit akked Tɣellist, Smaïl Chergui, Yeɣra-d ass n letniyen i usdukel n wussisen isertanen akked yidamsanen deg umennuɣ mgal n ‘’yismental ilqayanen’’ n tremɣa dɣa deg temnaḍt n Ssaḥel, yezzireg-d dakken ‘’ur yessefk ara ad tili kan d tririt taredsant akked tɣellisant’’.

NEY YORK – Yerra tajmilt, umaru amatu n Yiɣlanen Yeddukklen, Antonio Guterres, i umazun uzzig anaffaɣ, Azzayri Saidi Djinnit, ɣef yimeẓla d-yeflalin deg 11 n yiseggasen ineggura, deg Tefriqt n Utaram d temnaḍt n Yigelmimen Imeqranin, am wakken ay d-yenna dakken amazun-a n Yiɣlanen Yeddukklen iqubel icqirrwen d « imeẓda » deg wayen yerzan talwit d tɣellist deg Tefriqt.

FREETOWN – L »ezzayer ‘’tetteg akk ussisen-is’’ akken ad tessiweḍ Tefriqt ad teṭṭef amḍiq i teklmal deg yigmanen n Tuddsa n Yiɣlanen Yedduklen, i yezzireg ass n usiḍyas (ssebt) deg Freetown, aneɣlaf n Yiweẓla iwerdaniyen, Abdelkader Messahel, deg yimuhal n temlilit taɣlifant n Teqamut n Mraw n yiɣella n Yiwanaken akked Yinabaḍen n Tdukli tafriqit ɣef tsemmeskelt n Uqamu n tɣellist n Yiɣlanen Yedduklen.