Menu principal

Menu principal

MSETƔANEM – Tagrawt tamgurant tazzayrit « Gisb Eletric », yellan deg ugezdu n Msetɣanem yessaǧen, ass n usamas (lḥedd), iguta n trisiti ɣer Ssinigal s yiwen n uzal n 4 n yimelyunen n yiyuruten, i aɣ-d-tenna teṛmist tadamsant.

Published in TIMNAḌIN

ACCRA – Ɣetsen yimḍebbren n Umɣiwan Adamsan n Yiwanaken n Tefriqt n Utaram, yemlalen deg Accra ass n usamas, ad medlen tilisa-nsen d Mali yernu ad d-ḥettmen tifergi ɣef tmurt-a akken ad tt-weddben ɣef tagayt ay tugi tegrawt taresdant yeṭṭfen adabu deg Bamako ad tessuddes tifranin deg Fuṛaṛ i ufran n yiɣarimen ɣer udabu.

Published in AMAḌAL

SṬENBUL – Attekki n Lezzayer deg Tqacuct tis 3 n ucrak gar Ṭṭerk akked Tefriqt i la d-iḍerrun, asiḍyas-a (ssebt), deg Sṭembul, d ttbut n tilin n ucrak asurfan n wassaɣen yellan gar snat n tmura.

Published in LEZZAYER

WEHṚAN – Tger-d Leila Zerrouki, tamazunt-nnes tuzzigt d-yelhan s yiblagen igraɣlanen imeqqranen, ass n ukwas, i lmend n temyamaẓt d usemyuddes gar tmura tifriqiyin d tsuda tigraɣlanin.

Published in LEZZAYER

LEZZAYER  TAMANEƔT – Aneɣlaf n Yiweẓla n uzɣar akked Umɣiwan yeddren deg uzɣar, Ramtane Lamamra yeqbel, asnebgi n umtil-is acinwi akked usanigali, akken ad yettekki deg yimuhal n temlilit taɣlifant tis 8 n Umyiger ɣef unmireg acinwi-afriqi deg Dakar (Ssinigal), ara d-yeḍrun ass n uynas (letniyen) akked usinas (ttlata), i d-yenna yiwen n ulɣu n uɣlif.

Published in LEZZAYER

ZZAYER TAMANEƔT – Yebda-d uneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra, ass n usinas tameddit, tirzi n umahil ɣef Brazzaville, tamaneɣt n Tegduda n Kungu, s yisem-nnes d amazun uzzig n uselway n tegduda, Abdelmadjid Tebboune.

Published in LEZZAYER

LEZZAYER TAMANEƔT – Lezzayer teṭṭef adeg wis 3 deg Tefriqt deg wayen yerzan akettur-nnes yersen n teẓwar d-yetteqqalen ay d-yettakfen 0,5 n yijigawaṭen deg tgara n 2020, deffir Tefriqt n Unẓul d Maṣer, ɣef wakken ay d-yenna umlu anmaḍal ɣef tegnit n teẓwar d-yetteqqalen n tsentayt n REN21.

Published in TADAMSA

LEZZAYER TAMANEƔT – Tga Lezzayer, deg mraw n yiseggasen ineggura, ussisen d imeqqranen i uḥraz n tgemmi-nnes tadelsant yellan deg umihi, d acu kan, tettmahal daɣ akken ad as-d-terr azal i tgemmi tucrikt d tmura tinaragin, ladɣa deg wayen yerzan anadi d usmunu agraɣlan.

Published in LEZZAYER

ADDIS ABABA – Yenna-d uneɣlaf azzayri n yiweẓla iwerdaniyen, Sabri Boukadoum, ass n usiḍyas, dakken yella-d lexṣaṣ usedger n tgezzayt mgal waḍḍan n Covid-19 deg Tefriqt, yernu yessefk ad yefru wugur-a war leɛḍil, am wakken ay d-icaɣli mgal yisemda ibumzelgen ay izemren ad d-kken seg unmezgi aqessḥan ɣef tgezzayin d wayen yettwasemman « taẓraɣlant tagezzayant » yernu yezmer ad iḍurr waya taɣellist n yimdanen deg umenẓaw afriqi.

LEZZAYER  TAMANEƔT – Asqamu n telwit akked tɣellist (CPS) n Tduklu Tfriqit ad teg ass n usiḍyas (ssebt) yiwet n tɣimit taɣlifant, d Lezzayer ara tt-yesselwin, ad tt-rzun i wagnu n unekcum ɣer umenẓaw afriqi n tgezzayt magal-anfafad.