Menu principal

Menu principal

Timessiwin n tẓegwa deg ugmuḍ n tmurt: 26 n yimettinen d 2600 n yiqeṭṭaren ay yerɣan

Yeffeɣ-d ass n : Akwas, 18 Ɣuct 2022 16:30   Ɣran-t : 31 n tikkal
Timessiwin n tẓegwa deg ugmuḍ n tmurt: 26 n yimettinen d 2600 n yiqeṭṭaren ay yerɣan

ZZAYER TAMANEƔT – Yenna-d uneɣlaf n ugensu, tinbaziyin tidiganin d useqɛed n ugelluy, Mass Kamal Beldjoud, ass n ukras, dakken 106 n wadiken n tmurɣit ay d-yettwakelsen deg mennaw n twilayin n ugmuḍ n tmurt yernu d wid ay yessawḍen ɣer 26 n yimettinen d mennaw n yimagusen, am wakken ay d-iger tiɣri i yiɣermanen akken ad ḥadren ugar ladɣa deg tallit-a.

Mi d-yettwaɛreḍ ɣer uɣmis n tliẓrit n tis 8:00 n tmeddit deg tliẓrit tanagdudt, yenna-d Mass Beldjoud dakken timurɣiyin-a nɣant 24 n yimdanen deg twilayt n Ṭṭaref d sin niḍen deg twilayt n Sḍif.

Timurɣiyin-a sxeṣrent 1800 n yiqeṭṭaren n ufersun d wazal n 800 n yiqeṭṭaren n tẓegwa dge Ṭṭaref, Sḍif, Suq Ahṛas, Ǧiǧel, Skikda d Tipaza, ɣef wakken ay d-yerna.

Ɣef leḥsab n uneɣlaf n ugensu, tagnit tanezwant ay d-yellan deg mennaw n twilayin n ugmuḍ (azɣal d waḍu) d ayen ay d-yellan d ssebba deg tmurɣiyin-a, yernu yenced-d iɣermanen akken ad ḥadren ugar, ladɣa deg wayyur-a.

Ixebber-d daɣ dakken « timurɣiyin ay d-yellan deg Suq Ahṛas ttwasseɣsint », am wakken ay srewlen 350 n twaculin deg twilayt-a.

 

Last modified on Asiḍyas, 20 Ɣuct 2022 12:22
Timessiwin n tẓegwa deg ugmuḍ n tmurt: 26 n yimettinen d 2600 n yiqeṭṭaren ay yerɣan
  Yeffeɣ-d ass n : Akwas, 18 Ɣuct 2022 16:30     Taggayt : LEZZAYER     Ɣran-t : 31 n tikkal   Bḍu