Menu principal

Menu principal

Ṭṭaref/Timurɣiyin n tẓegwa: Iɛezza uneɣlaf amenzu aselway Tebboune

Yeffeɣ-d ass n : Akwas, 18 Ɣuct 2022 15:17   Ɣran-t : 30 n tikkal
Ṭṭaref/Timurɣiyin n tẓegwa: Iɛezza uneɣlaf amenzu aselway Tebboune

ZZAYER TAMANEƔT – Iɛezza uneɣlaf amenzu, Mass Aimene Benabderrahmane, ass n ukwas deg Ṭṭaref, aselway n tegduda, Mass Abdelmadjid Tebboune, d twaculin n teɣtas n tmurɣiyin n tẓegwa am wakken ay imenna tujjya taruradt i yimagusen yernu iwekked-d ɣef « udhal n uwanak d usebges ummid n yimeẓla yemgerraden s wakk ammaken ilsanen d warrumanen i useɣsi n tmurɣiyin-a d ubdad i yimagusen ».

Yewweḍ uneɣlaf amenzu ass n ukwas ɣer Ṭṭaref s lewṣaya n uselway n tegduda, Mass Abdelmadjid Tebboune, akken ad yetter ɣef yixeṣṣaren ay d-yellan ɣef lǧal n tmurɣiyin iḥuzan tawilayt-a.

Yedda d uneɣlaf amenzu uneɣlaf n ugensu, tinbaziyin tidiganin d useqɛed n ugelluy, Mass Kamal Beldjoud, yernu iwala Mass Benabderrahmane, din, ixeṣṣaren ay d-yellan deg Brabṭeyya d Lqala.

I lmend n waya, iwekked-d uneɣlaf amenzu dakken « akk imeẓla yemmuzzgen d tsuda n uwanak, timezwura deg-sent d amesten aɣarim d Tredsa Taɣelnawt Taɣerfant, ttwasbegsent-d akken ad sseɣsint timessiwin n tẓegwa ay iḥuzan mennaw n twilayin n ugmuḍ n tmurt yernu ad beddent i yimagusen d wid yeḍruran, yernu yella-d waya s uzrak n lewṣayat n uselway n tegduda ».

 

Ṭṭaref/Timurɣiyin n tẓegwa: Iɛezza uneɣlaf amenzu aselway Tebboune
  Yeffeɣ-d ass n : Akwas, 18 Ɣuct 2022 15:17     Taggayt : LEZZAYER     Ɣran-t : 30 n tikkal   Bḍu