Menu principal

Menu principal

Timessiwin n tẓegwa: Yeṭṭef-d uselway Tebboune aɛezzi n umtil-nnes atunsi Kais Saied

Yeffeɣ-d ass n : Akwas, 18 Ɣuct 2022 14:37   Ɣran-t : 10 n tikkal
Timessiwin n tẓegwa: Yeṭṭef-d uselway Tebboune aɛezzi n umtil-nnes atunsi Kais Saied

ZZAYER TAMANEƔT – Yeṭṭef-d uselway n tegduda, Mass Abdelmadjid Tebboune, ass n ukwas, tiɣri tansawalt sɣur gma-s, aselway n Tegduda Tatunsit Kais Saied, d tin aydeg ay t-iɛezza seg wul lqayen ɣef teɣtas n tmurɣiyin ay d-yellan deg kra n twilayin n tmurt, yernu iwekked-as-d ɣef temsetlelt d udhal n Tunes, yellan d tamurt taweltmat, ɣer yidis n Zzayer deg tegnit-a, ɣef wakken ay d-yenna yiwen n ulɣu n tselwit n tegduda.

« Aselway n tegduda, Mass Abdelmadjid Tebboune, yeṭṭef-d, ass-a, tiɣri tansawalt sɣur gma-s Kais Saied, aselway n Tegduda Tatunsit, tamurt taweltmat, d tin aydeg ay t-iɛezza, s yisem-nnes udmawan d yisem n uɣref atunsi agmat, seg wul lqayen, ɣef teɣtas n tmessiwin ay d-yellan deg kra n twilayin n tmurt, yernu iwekked-as-d tamsetlelt d udhal n Tunes, tamurt taweltmat, ɣer yidis n Zzayer deg tegnit-a d umuteg n tmurt-nnes akken ad talel Zzayer », ɣef wakken ay d-yenna ulɣu-a.  

Seg yidis-nnes, « yesnemmer uselway n tegduda gma-s aselway Kais Saied, akked akk aɣref atunsi agmat ɣef usenfali-a n temsetlelt d tegmat, yernu yeckeṛ-d talqayt n wassaɣen n tegmat icerken sin-a n yiɣerfan aytmaten », ɣef wakken ay d-yerna ulɣu-a.

Last modified on Akwas, 18 Ɣuct 2022 22:05
Timessiwin n tẓegwa: Yeṭṭef-d uselway Tebboune aɛezzi n umtil-nnes atunsi Kais Saied
  Yeffeɣ-d ass n : Akwas, 18 Ɣuct 2022 14:37     Taggayt : LEZZAYER     Ɣran-t : 10 n tikkal   Bḍu