Menu principal

Menu principal

Said Chanegriha yedrew deg Usarag Agraɣlan Wis 10 ɣef Tɣellist

Yeffeɣ-d ass n : Akras, 17 Ɣuct 2022 13:48   Ɣran-t : 24 n tikkal
Said Chanegriha yedrew deg Usarag Agraɣlan Wis 10 ɣef Tɣellist

ZZAYER TAMANEƔT – Yedrew ujiniṛal n tredsa Saidi Chanegriha, aɣella n umaddad n Tredsa Taɣelnawt Taɣerfant, ass n usinas, s usarag n teẓrit, deg Usarag Agraɣlan Wis 10 ɣef Tɣellist ay d-yellan deg Musku (Rrus), ɣef wakken ay d-yenna yiwen n ulɣu n uɣlif n umzaɣ aɣelnaw.

Yesnemmer ujiniṛal n tredsa, deg tezwara n tgermant-nnes, « idis arusi ɣef uneɛruḍ-nnes akken ad yedrew deg usarag-a yellan d tagnit i umsenfal n tannayin d uktazel n temsal yeqqnen ɣer tɣellist tagraɣlant », ɣef wakken ay d-yenna uɣbalu-a.

« Ad snemmreɣ, deg tazwara, aneɛruḍ-nwen uḥdiq akken ad derweɣ deg Usarag Agraɣlan Wis 10 ɣef Tɣellist ay d-yellan deg Musku, yernu ssarameɣ ad d-yeglu s ubaɣur i wakk wid ara iderwen deg-s », ɣef wakken ay d-yenna ujiniṛal n tredsa, am wakken ay d-yerna dakken asarag-a d win ay d-yesskanayen « tabukt yelhan n Tfidiṛalit n Rrus akken ad tesdus assaɣen-nnes yernu d talemmiẓt i umsenfal n tannayin d uktazel n temsal yeqqnen ɣer tɣellist tagraɣlant ».

Aɣella n umaddad n Tredsa Taɣelnawt Taɣerfant yebder-d, deg tgermant-nnes, dakken « icqirrwen iɣellisanen ay yettqabal umenẓaw afriqi » yernu yenna-d dakken « Tafriqt d tanesbaɣurt s teɣbula yernu tesɛa anerni askenɣerfan d yifujaren d imeqranen am tenḍa tasnudrant, tiɣbula tidukalin, tiḥarazin n teẓwert d waman yernu ass-a, attan deg tegnit n urarkad asertan-adamsan ay d-yekkan seg mennaw n yicqirrwen iɣellisanen d yidamsanen ».

« Wa d attal ay d-yessuturen adhal d tmunit n umɣiwan agraɣlan », ɣef wakken ay d-iwekked, am wakken ay d-yerna dakken « tagnit-a taferkakt d tin ay icewwlen mennaw n tmura yernu tḍurr tidamsiwin d tɣellist-nsen, yernu aya yerra Tafriqt d ammas n yirmuden ijrimanen ay izerrɛen tuggza taremmaɣt d tejrimt yettwassuddsen izegren i tlisa yesɛan talɣiwin yemgerraden ».

 

Last modified on Akwas, 18 Ɣuct 2022 16:33
Said Chanegriha yedrew deg Usarag Agraɣlan Wis 10 ɣef Tɣellist
  Yeffeɣ-d ass n : Akras, 17 Ɣuct 2022 13:48     Taggayt : LEZZAYER     Ɣran-t : 24 n tikkal   Bḍu