Menu principal

Menu principal

Iger-d Belabed tiɣri i usmuteg d imdeqqeq i tuqqla taɣurbizt ay d-itteddun

Yeffeɣ-d ass n : Asinas, 16 Ɣuct 2022 16:13   Ɣran-t : 36 n tikkal
Iger-d Belabed tiɣri i usmuteg d imdeqqeq i tuqqla taɣurbizt ay d-itteddun

ZZAYER TAMANEƔT – Iwekked-d uneɣlaf n usegmi aɣelnaw, Abdelhakim Belabed, ass n uynas, ɣef tḍullit n usmuteg yelhan i tuqqla taɣurbizt n 2022-2023, s « uḍfar n wakk timhal yerzan aya », ɣef wakken ay d-yenna yiwen n ulɣu n uɣlif.

Mi yesselwi uneɣlaf, s usarag n teẓrit, yiwen n usarag aɣelnaw s tihawt n yikataren n tedbelt talemmast, inemhalen n usegmi, iwnetlayen imuta d yiɣellaten n yigezda deg tmehliwin n usegmi, iwekked-d dakken tuqqla taɣurbizt ay d-itteddun ad tili d « tasurfant deg wayen yerzan tiɣawsiwin timaynutin ara d-yilin deg ugzum n usegmi, yernu iger-d tiɣri i usmuteg d imdeqqeq, tihawt deg unrar d wugar n teɣḍeft », ɣef wakken ay d-yerna uɣbalu-a.

I lmend n waya, yumeṛ ikataren d-yelhan s uḍfar d usnas n yisemtar n usarag aɣelnaw ay d-yellan ussan n 12 d 13 Yulyu yezrin yernu ad kemmlen aḍfar n temhal ay asen-yettwawekklen.

I lmend n waya, yenna-d dakken yessefk ad yili « usmuteg d usɣiwes yelhan » i tuqqla taɣurbizt n 2022-2023 s uḍman dakken timṣukin timaynutin ad zerkent tigna yessefken uqbel akk ad ttwareẓment yernu tasmilt taɣlifant d-yelhan s tmeṣkiwt n yiɣsuren isegmanen ad temlilt deg tɣemlilt tafeɣnamit gar 24 Ɣuct d 6 Ctembeṛ 2022.

 

Last modified on Akras, 17 Ɣuct 2022 13:50
Iger-d Belabed tiɣri i usmuteg d imdeqqeq i tuqqla taɣurbizt ay d-itteddun
  Yeffeɣ-d ass n : Asinas, 16 Ɣuct 2022 16:13     Taggayt : LEZZAYER     Ɣran-t : 36 n tikkal   Bḍu