Menu principal

Menu principal

Yefka Lamamra izen n uselway n Tebboune i umtil-nnes azerbiǧani

Yeffeɣ-d ass n : Akwas, 11 Ɣuct 2022 13:47   Ɣran-t : 1 n tikkal
Yefka Lamamra izen n uselway n Tebboune i umtil-nnes azerbiǧani

ZZAYER TAMANEƔT – Yemmuger uselway n  Tegdyda n Azerbiǧan, Ilham Aliyev, aneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra, deg ukatar n terzi-nnes n umahil ɣef Baku, yernu yefka Mass Lamamra izen n uselway n tegduda, Mass Abdelmadjid Tebboune, i umtil-nnes azerbiǧani, ɣef wakken ay d-yenna, ass n ukras, yiwen n ulɣu n uɣlif.

« Yefka umazun uzzig n uselway n tegduda azul n tegmat n uselway Tebboune i umtil-nnes azerbiǧani am wakken ay as-yessarem tadawsa yelhan d telhillit, yernu yessarem ugar n ufara d tenkelwit i uɣref azerbiǧani agmat », ɣef wakken ay d-yenna ulɣu-a.

Seg yidis-nnes, « iwekkel uselway Aliyev Mass Lamamra akken ad yessiweḍ azul-nnes aḥmayan i uselway Tebboune yernu ad t-yesnemmer s telqayt ɣef umirew d udhal ur iḥebbsen n Zzayer i wussisen d tsentayin n tselwit tazerbiǧanit deg ukatar n Umussu n Tmura Ur Iderreren », ɣef wakken ay d-yerna ulɣu-a.

« Aselway n Tegduda n Azerbiǧan yessenfali-d daɣ timeɣsiwt-nnes akken ad yerzu ɣef Zzayer akken ad imahel d uselway Abdelmadjid Tebboune akken ad reẓmen iglan d imaynuten n unmireg gar snat-a n tmura deg wakk tiɣula, yernu yeɣs daɣ Mass Aliyev ad yettwasdus umciweṛ d unmireg gar Zzayer d Azerbiǧan ladɣa deg tɣult n teẓwert imi snat-a n tmura deg snat d timsiǧwin timeqranin n wurrig », ɣef wakken ay d-yenna uɣbalu-a.

Iwekked-d uselway n Tegduda n Azerbiǧan dakken « adeg ay sɛant snat-a n tmura d yiseḍra-nsent deg Umussu n Tmura Ur Iderreren d ayen ay d-iḥettmen fell-asent, ass-a, ugar akk talliyin niḍen, akken ad zdint ussisen-nsent i udraw deg usenqes n ccwal » deg umaḍal.

 

 

Yefka Lamamra izen n uselway n Tebboune i umtil-nnes azerbiǧani
  Yeffeɣ-d ass n : Akwas, 11 Ɣuct 2022 13:47     Taggayt : LEZZAYER     Ɣran-t : 1 n tikkal   Bḍu