Menu principal

Menu principal

Assaɣen gar Zzayer d Ṭṭerk mehhzen deg ukatar n waɣaden n yiselwayen n snat-a n tmura

Yeffeɣ-d ass n : Akwas, 11 Ɣuct 2022 13:34   Ɣran-t : 63 n tikkal
Assaɣen gar Zzayer d Ṭṭerk mehhzen deg ukatar n waɣaden n yiselwayen n snat-a n tmura

KONYA (Ṭṭerk) – Iwekked-d uneɣlaf amenzu, Aimene Benabderrahmane, ass n ukras deg Konya (Ṭṭerk) dakken «  assaɣen gar Zzayer d Ṭṭerk d wid ay imehzen amhaz d ameqran s uzrak n waɣaden n yiselwayen n snat-a n tmura ».

Deg yiwet n tesguri deg yijifeṛ n udraw-nnes deg tfugla n urẓam n teẓrigt tis semmsuet (5) n Turarin n Temsetlelt Tislaman deg Ṭṭerk, iwekked-d Mass Benabderrahmane: « S userhu ay d-ggenseseɣ aselway n tegduda, Mass Abdelmadjid Tebboune, deg urẓam n teẓrigt tis semmuset (5) n Turarin n Temsetlelt Tislamant ». « Adraw-a yekka-d seg telqayt n wassaɣen gar Zzayer d Ṭṭerk », ɣef wakken ay d-yerna, am wakken ay d-iwekked ɣef tixxutert n tedyant-a yellan d « asekmem n temsetlelt gar tmura tinselmin ».

« Iṣaḥ-iyi-d userhu ad mlileɣ d uselway n tegduda n Ṭṭerk, Mass Recep Tayyip Erdogan deg ukatar n useḍru n wayen ay ɣetsen yiselwayen n snat-a n tmura deg terzi ay iga melmi kan uselway n tegduda, Mass Abdelmadjid Tebboune, ɣef Ṭṭerk », ɣef wakken ay d-ikemmel uneɣlaf amenzu, ay d-iwekkden dakken « yessaweḍ i uselway n tegduda n Ṭṭerk, azul n gma-s aselway n tegduda, Mass Abdelmadjid Tebboune, akked tmeɣsiwt-nnes akken ad ssiwḍen assaɣen gar Zzayer d Ṭṭerk ɣer yiglan d imaynuten, ladɣa imi assaɣen-a mehzen amhaz d axatar s uzrak n waɣaden n yiselwayen n snat-a n tmura ».

Yenna-d Mass Benabderrahmane dakken yessawel d uselway aṭerki ɣef « mennaw n yikaramen yeqqnen ɣer tdamsa d usefti », i lmend n usekmem n yisemtar n temliliyin tisindisanin yemgerraden ay d-yellan deg temsalt-a i usiweḍ n wassaɣen idamsanen d yinezzanen gar snat-a n tmura ɣer yiglan d imaynuten.

 

Assaɣen gar Zzayer d Ṭṭerk mehhzen deg ukatar n waɣaden n yiselwayen n snat-a n tmura
  Yeffeɣ-d ass n : Akwas, 11 Ɣuct 2022 13:34     Taggayt : LEZZAYER     Ɣran-t : 63 n tikkal   Bḍu