Menu principal

Menu principal

Lamamra yedda d amazun uzzig n uselway Tebboune ɣer Azerbiǧan

Yeffeɣ-d ass n : Akras, 10 Ɣuct 2022 09:31   Ɣran-t : 2 n tikkal
Lamamra yedda d amazun uzzig n uselway Tebboune ɣer Azerbiǧan

ZZAYER TAMANEƔT – Yewweḍ uneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra, ass n usinas ɣer Baku deg Azerbiǧan, deg ukatar n terzi n umahil n sin n wussan s yisem-nnes d amazun uzzig n uselway n tegduda, Mass Abdelmadjid Tebboune, ɣef wakken ay d-yenna yiwen n ulɣu n uɣlif.

« S yisem-nnes d amazun uzzig n uselway n tegduda, Mass Abdelmadjid Tebboune, yewweḍ uneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra, ass n usinas tadwit, ɣer tmaneɣt tazerbiǧanit n Baku deg ukatar n terzi n umahil n sin n wussan », ɣef wakken ay d-yenna uɣbalu-a.

« Aɣella n tdiplumatit tazzayrit ad yemciweṛ d umtil-nnes azerbiǧani, Jeyhun Bayramov, yernu ad t-mmagren yiduba unnigen n tmurt-a akken ad yessiwel yid-sen ɣef wassaɣen isindisanen d temsal niḍen timnaḍanin d tegraɣlanin n tnafut tucrikt ».

Tagduda n Azerbiǧan d tamaslaḍt deg Tuddsa n Tmura Timsiǧwin n Upitṛul d Yimsisan-nnes yernu d nettat ay yesselwin, arma d tagara n 2023, Amussu n Tmura Ur Iderreren, am wakken ay tderrew deg Unmager n Tmura Timsiǧwin n Wurrig.

 

Last modified on Akras, 10 Ɣuct 2022 09:37
Lamamra yedda d amazun uzzig n uselway Tebboune ɣer Azerbiǧan
  Yeffeɣ-d ass n : Akras, 10 Ɣuct 2022 09:31     Taggayt : LEZZAYER     Ɣran-t : 2 n tikkal   Bḍu