Menu principal

Menu principal

Yemmuger uselway aṭerki Erdogan aneɣlaf amenzu Benabderrahmane deg Konya

Yeffeɣ-d ass n : Akras, 10 Ɣuct 2022 07:57   Ɣran-t : 3 n tikkal
Yemmuger uselway aṭerki Erdogan aneɣlaf amenzu Benabderrahmane deg Konya

KONYA (Ṭṭerk) – Yemmuger uselway aṭerki, Mass Recep Tayyip Erdogan, aneɣlaf amenzu Mass Aimene Benabderrahmane, yellan d agensas n uselway n tegduda, Mass Abdelmadjid Tebboune, deg tfugla n urẓam n teẓrigt tis 5 n Turarin n Temsetlelt Tislamant ara d-yilin deg temdint n Konya (Ṭṭerk). Amager-a yella-d ass n usinas tameddit.

Yessaweḍ Mass Aimene Benabderrahmane, deg umager-a, azul n tegmat n uselway n tegduda, Mass Abdelmadjid Tebboune, i umtil-nnes aṭerki, yernu iha, deg umager-a, unmazal n Zzayer deg Ṭṭerk, Sofiane Mimouni.

Menɣir « tagnit d yiglan n usnegmu » n wassaɣen gar Zzayer d Ṭṭerk deg wakk tiɣula, ssawlen sin-a n yidisan ɣef « wammaken n usekmem n yigmaḍ n terzi taneggarut ay iga uselway Tebboune ɣef Tegduda n Ṭṭerk ».

Mi ifuk umager-a, iwekkel uselway Recep Tayyip Erdogan aneɣlaf amenzu akken ad yessiweḍ azul-nnes aḥmayan i uselway n tegduda, Mass Abdelmadjid Tebboune, yernu yesnemmer-it ɣef udraw n Zzayer deg tfugla n urẓam n teẓrigt tis semmuset (5) n Turarin n Temsetlelt Tislamant.

 

Last modified on Akwas, 11 Ɣuct 2022 13:37
Yemmuger uselway aṭerki Erdogan aneɣlaf amenzu Benabderrahmane deg Konya
  Yeffeɣ-d ass n : Akras, 10 Ɣuct 2022 07:57     Taggayt : LEZZAYER     Ɣran-t : 3 n tikkal   Bḍu