Menu principal

Menu principal

Yesselwi uselway Tebboune tafugla i lmend n Wass Aɣelnaw n Tredsa

Yeffeɣ-d ass n : Asiḍyas, 06 Ɣuct 2022 13:21   Ɣran-t : 2 n tikkal
Yesselwi uselway Tebboune tafugla i lmend n Wass Aɣelnaw n Tredsa

ZZAYER TAMANEƔT – Yesselwi uselway n tegduda, aɣella anafella n yiɣallen umrigen, aneɣlaf n umzaɣ aɣelnaw, ass n ukwas deg Twinest Taɣelnawt n Tredsa deg Bni Messus (Zzayer Tamaneɣt), yiwet n tfugla i yimastaɣen n Tredsa Taɣelnawt Taɣerfant ay d-yefrurin seg Tredsa n Uslelli Aɣelnaw, tiwaculin n kra n yimeɣrusen n waɣan aɣelnaw, imeɛdaṛ akked yimagusen imeqranen n Tredsa Taɣelnawt Taɣerfant ay tent-yuɣen deg ukatar n umennuɣ mgal tremɣa, i lmend n Wass Aɣelnaw n Tredsa.

Tafugla-a tella-d deg ukatar n yiseksal n usfugle n Umulli wis 60 n Uzarug Aɣelnaw yernu deffir ma yessenṣeb uselway Tebboune azemz n 4 Ɣuct d Ass Aɣelnaw n Tredsa Taɣelnawt Taɣerfant ay yellan d ass aydeg Taredsa n Uslelli Aɣelnaw teqqel d taredsa taɣelnawt.

D ajiniṛal n tredsa Said Chanegriha, aɣella n umaddad n Tredsa Taɣelnawt Taɣerfant, ay yemmugren aselway n tegduda, Abdelmadjid Tebboune, mi yewweḍ ɣer Twinest Taɣelnawt n Tredsa, sakkin terra-as yiwet n tsensirt n tredsa tajmilt i uselway.

Tafugla-a han deg-s uselway n Useqqamu n Uɣlan, aselway n Ugraw Aɣerfan Aɣelnaw, aselway n Tsenbert Tamenḍawant, aneɣlaf amenzu, isemtaren n uselway n tegduda, kra n yimaslaḍen n unabaḍ, ajiniṛal n tredsa, amenzaḍ n tiḍaf tigdudanin, awnetlay amatu n uɣlif n umzaɣ aɣelnaw, imenzaḍen n yiɣallen umrigen, amenzaḍ n temsetla taɣelnawt, iɣellaten n yigezda, inemhalen d yiɣellaten n yimeẓla ilemmasen n uɣlif n umzaɣ aɣelnaw d umaddad n Tredsa Taɣelnawt Taɣerfant, akked yikataren unnigen n uwanak, kra n wudmawen iɣelnawen d yimjahden, ɣer yidis n kra n yinebgiwen ay d-ɛerḍen akken ad asen-rren tajmilt, gar-asen kra n yimastaɣen n Tredsa Taɣelnawt Taɣerfant d-yefrurin seg Tredsa n Uslelli Aɣelnaw, kra n twaculin n yimeɣrusen n waɣan aɣelnaw, imeɛdaṛ d yimagusen imeqranen n tredsa iderwen deg umennuɣ mgal tremɣa.

 

Last modified on Asamas, 07 Ɣuct 2022 09:21
Yesselwi uselway Tebboune tafugla i lmend n Wass Aɣelnaw n Tredsa
  Yeffeɣ-d ass n : Asiḍyas, 06 Ɣuct 2022 13:21     Taggayt : LEZZAYER     Ɣran-t : 2 n tikkal   Bḍu