Menu principal

Menu principal

Ass n Tredsa: Aselway Tebboune deg Twinest Taɣelnawt n Tredsa i yiriri n tejmilt

Yeffeɣ-d ass n : Akwas, 04 Ɣuct 2022 16:47   Ɣran-t : 0 n tikkal
Ass n Tredsa: Aselway Tebboune deg Twinest Taɣelnawt n Tredsa i yiriri n tejmilt

ZZAYER TAMANEƔT – Yewweḍ uselway n tegduda, Mass Abdelmadjid Tebboune, aɣella anafella n yiɣallen umrigen, aneɣlaf n umzaɣ aɣelnaw, ass n ukwas, ɣer Twinest Taɣelnawt n Tredsa n Bni Messus akken ad yesselwi tafugla n yiriri n tejmilt i lmend n Wass Aɣelnaw n Tredsa Taɣelnawt Taɣerfant.

Mi yewweḍ ɣer Twinest Taɣelnawt n Tredsa, d aɣella n umaddad n Tredsa Taɣelnawt Taɣerfant, ajiniṛal n tredsa Said Chanegriha, ay t-yemmugren.

Deffir ma yessefled i yimseɣret aɣelnaw, yessukk uselway n tegduda yiwet n tsensirt taredsant aydeg llan yiɣallen yemgerraden n Tredsa Taɣelnawt Taɣerfant ay as-yerran tajmilt.

Tafugla-a n tejmilt d tin ara d-yilin i usemɣer s kra seg yimastaɣen n Tredsa Taɣelnawt Taɣerfant, tiwaculin n yimeɣrusen n waɣan aɣelnaw akked wid ay tent-yuɣen deg tredsa deg ukatar n umennuɣ mgal tremɣa.

Ass aɣelnaw n Tredsa Taɣelnawt Taɣerfant, ara yeqqlen ad yettwasfugul yal 4 n Ɣuct, d win ay yessenṣeb uselway n tegduda, aɣella anafella n yiɣallen umrigen, aneɣlaf n umzaɣ aɣelnaw, Mass Abdelmadjid Tebboune, i lmend n umekti n wamek ay teqqel Tredsa n Uslelli Aɣelnaw d Taredsa Taɣelnawt Taɣerfant.

 

Last modified on Asiḍyas, 06 Ɣuct 2022 13:27
Ass n Tredsa: Aselway Tebboune deg Twinest Taɣelnawt n Tredsa i yiriri n tejmilt
  Yeffeɣ-d ass n : Akwas, 04 Ɣuct 2022 16:47     Taggayt : LEZZAYER     Ɣran-t : 0 n tikkal   Bḍu