Menu principal

Menu principal

Yules iwekked-d uselway Tebboune ɣef usdusu n uwanak d uḥraz n ugemmir n Yizzayriyen

Yeffeɣ-d ass n : Asinas, 02 Ɣuct 2022 08:21   Ɣran-t : 0 n tikkal
Yules iwekked-d uselway Tebboune ɣef usdusu n uwanak d uḥraz n ugemmir n Yizzayriyen

ZZAYER TAMANEƔT – Yenna-d uselway n tegduda, Mass Abdelmadjid Tebboune, dakken yeɣs ad yesdus ugar awanak akken ad yeḥrez taɣellist yernu ad yeẓẓu azalen n tugdut, am wakken ay d-yerna dakken yettmahal, daɣ, i uḥraz n ugemmir n Yizzayriyen.

Deg tdiwennit-nnes tawalant d tɣemsa taɣelnawt, ay d-iɛeddan ass n usamas tameddit, yenna-d uselway Tebboune dakken « tugdut d tɣellist n uɣerman ur zmirent ad ilint arma yella uwanak d ameḍni », am wakken ay d-yerna dakken « awanak amelkuk ur izemmer ara ad yemmesten iɣermanen-nnes ».

Amennuɣ ay yettnaɣ uselway, seg wasmi ay yettwafren ɣer tselwit n tegduda, d win ay d-yettilin s tesmeskal-nnes yemgerraden, yernu d win aydeg « yekkat akken ad yeḥrez agemmir n Yizzayriyen », ɣef wakken ay d-yessegza.

I lmend n waya, yemmirew akken ad yernu tilawiyin d tekfi n trebbawt seg useggas ay d-itteddun, yernu ad d-yili waya s tezrawt d talqayant i lmend n usinef n tuffut, am wakken ay d-yerna dakken « yezmer lḥal ad rnunt tlawiyin s yiwen kan n uɣtas, niɣ cwiṭ, cwiṭ, s teɣzef n useggas ».

Yerna-d uselway n tegduda dakken iketturen n Zzayer d wid ara yeǧǧen daɣ adinaṛ ad yernu deg wazal s wakat alemmas, am wakken ay d-yerna dakken yessefk ad ttwaddmen « wakaten d iseddiyen akken ur d-tettili ara tuffut ».

 

Last modified on Asinas, 02 Ɣuct 2022 10:39
Yules iwekked-d uselway Tebboune ɣef usdusu n uwanak d uḥraz n ugemmir n Yizzayriyen
  Yeffeɣ-d ass n : Asinas, 02 Ɣuct 2022 08:21     Taggayt : LEZZAYER     Ɣran-t : 0 n tikkal   Bḍu