Menu principal

Menu principal

Aselway Tebboune: Taqacuct Taɛṛabt n Zzayer Tamaneɣt ad tili d amures

Yeffeɣ-d ass n : Aynas, 01 Ɣuct 2022 08:23   Ɣran-t : 0 n tikkal
Aselway Tebboune: Taqacuct Taɛṛabt n Zzayer Tamaneɣt ad tili d amures

ZZAYER TAMANEƔT – Iwekked-d uselway n tegduda, Mass Abdelmadjid Tebboune, dakken Taqacuct Taɛṛabt ara d-yilin deg Zzayer deg Wamber ay d-itteddun ad d-tili d turbiḥt, am wakken ay d-yerna dakken Zzayer tettmahal akken ad tesdukkel idurra aɛṛaben.

Deg umyager-nnes awalan d tɣemsa taɣelnawt ay d-iɛeddan ass n usamas deg tregwa n ṛṛadyu d tliẓrit tiɣelnawin,  ama d tinagdudin, ama d tusligin, yenna-d uselway Tebboune dakken  Taqacuct Taɛṛabt ay d-itteddun ad tili d turbiḥt ladɣa imi tabukt tayiwnant n Zzayer deffir tqacuct-a d asdukkel n yidurra aɛṛaben.

Iger-d tamawt dakken, deg yiseggasen-a ineggura, xeṣren mliḥ wassaɣen gar tmura taɛṛabin yernu banen-d aṭas n yimyenkafen gar-asent.  

Ula ma llan wuguren-a, Mass Tebboune yerna-d dakken « akk timura ara d-yemlilen ɣer Zzayer ur sɛint ara ugur yid-s yernu Zzayer tzerrek akk timura taɛṛabin », am wakken ay d-yenna daɣ dakken aya ad d-yili i tnafut n lumma taɛṛabt yernu d Zzayer ay yesɛan adeg yelhan akk akken ad tarem ad tesdukkel idurra yernu ad teg tabdammast gar tmura ay yemserwin gar-asent.

Deg wayen yerzan adraw n Surya deg Tqacuct n Zzayer Tamaneɣt, yenna-d uselway n tegduda dakken tihawt n tmurt-a tettwaɣtes s umciweṛ gar tmura taɛṛabin, yernu, seg yidis azerfan, Surya d yiwet seg tmura tisersalin n Temɣunt Taɛṛabt yernu tihawt-nnes deg tqacuct-a d tamagnut.

 

Aselway Tebboune: Taqacuct Taɛṛabt n Zzayer Tamaneɣt ad tili d amures
  Yeffeɣ-d ass n : Aynas, 01 Ɣuct 2022 08:23     Taggayt : LEZZAYER     Ɣran-t : 0 n tikkal   Bḍu