Menu principal

Menu principal

Amgaru n uslelli : allus n usuddes n yidurran n Tredsa n uslelli iḥettem-d iman-is akken ad iqabel tamzelt « Jumelles » (Tanaga)

Yeffeɣ-d ass n : Akwas, 21 Yulyu 2022 11:06   Ɣran-t : 0 n tikkal
Amgaru n uslelli : allus n usuddes n yidurran n Tredsa n uslelli iḥettem-d iman-is akken ad iqabel tamzelt « Jumelles » (Tanaga)

TUBIRET – Iwakken ad tidir Tredsa n uslelli aɣelnaw, ssuddsen idurran-is yiwen n usuddes asetratijan i « d-iḥettmen iman-is » dindin « seg ɣuct 1959 d afella akken ad tezmer ad tedder i temzelt « Jumelles » i carent, ass n 22 yulyu n useggas-nni, tdusiwin tihersanin akken ad snegren imnaɣen n Tredsa n uslelli aɣelnaw deg yidurar akked tẓegwa, akka i d-nagin Yimǧuhad iqburen.

Amǧahed Aknouche Messaoud, i wumi ttinin « Mohamed Bouachrine », d yiwen seg gar wid imenɛen seg unṭad n tdusiwin tihersanin, yenna-d dakken yecfa i « yikkeḍ » n temzelt-a i « d iḥettmen ɣef yimenzaḍen n Tredsa n uslelli akken ad fernen yiwen n usuddes asetratijan n yidurran-is akken ad zemren ad menɛen seg « wahes ».

Ɣas akken temɣer-is akked wayen i yis-s i d-tegla n lexṣara, tamzelt « Jumelles » i icar, 63 n yiseggasen aya, ujiniral Challe, ladɣa deg ugezdu wis III amazray, « imnaɣen n Tredsa n uslelli aɣelnaw ssawḍen akken ad d-awin tirennawin », i d-yenna.

« Newwi-d tirennawin timeqqranin deg wennar seg i nga timiwtiwin tisaḍanin deg Tmellaḥt (Aḥnif), deg Aẓru n Tseddart (at Mensuṛ) akked Lkaf n Taṛust deg Aǧiba », i d-yemmekti. « Ierdasen n ucengu, s umḍan ameqqran, ččan tiɣrit ula d nitni, ɣas akken ula d nekni, yal tikkelt, ttmettaten-aɣ yimǧuhad deg temzelt i aɣ-yeslemden akken ad nales ugar i usuddes akken ad nessenɣes i txessaṛt-nneɣ », i yerna inagi-d Si Bouachrine.

Amǧahed-a aqbur, assa ila deg leɛmer-is 90 n yiseggasen, yerna yeḥka-d, yenna-d dakken smemmin tgezmiwin akked tkebbaniyin yemgarden n Tredsa n uslelli aɣelnaw, yiwen n unagraw n usuddes iṛuḥen d tigrawin timejṭaḥ, leḥḥun deg yiḍ s tɛessast tameqqrant akken ad rewlen i usefqed n tredsa tamhersant.

Yerna ikemmel-d awal-is, yenna-d Bouachrine dakken takebbanit-is deg-s kraḍ tgezmiwin, yal tigezmi deg-s 35 n yimnaɣen s wid yesɛan asellun neɣ ulac. « I wakken ad nezmer ad nqabel tamzelt Jumelles, iɣellaten-nneɣ bḍan yal tigezmi d tigrawin timejṭaḥ n kraḍ ar semmus n yiferdisen i wakken ad nezmer ad nelḥu deg tẓegwa war tamijewt tameqqrant », i d-yenna. 

 

Taɣḍeft akked uguccel akken ad nkemmel amennuɣ 

Leḥḥun yimǧuhad deg yiḍ d tigrawin n kraḍ ar semmus n yiferdisen akken ad gen mennaw n tuɣdaḍin, deg yisunen-iḍen, akken ad qḍun tagella-nsen , ad leqḍen umlan neɣ akken ad awin tibraṭin i yimasayen-nsen, i la d-yettmekti umǧahed-a aqbur.

Yewɛer-as ususru i lmend n leɛmer-is, Bouachrine mazal yecfa i tuɣdaḍin timijwin i llan la tteggen deg twala-nni taweɛrant deg temnaḍt n Tmellaḥt yellan d ul n Tredsa n uslelli aɣelnaw n usun-a. « Mennaw n tikkal i menɛeɣ i temzal n ucengu, d kra n teswiɛin n wahes ladɣa mi ara d-serḥen i yisafagen i la d-yeṭṭeggiren fell-aɣ lbumbat », i d-yettmekti.

Yerna yenna-d : « Tamzel Jumelles ur teqbir ara Taredsa n uslelli, maca tefka-yas yiwen n nnefs amaynu akked yiwen n uguccel amaynu. Nella neẓra dakken qrib ad nawi azarug, s ucqirrew n temzelt taredsant n ujiniral Challe, nella numen s trennawt taggarant ».

Ilul ass n 14 furar 1936, yekcem Bouachrine s idurran n Tredsa n uslelli aɣelnaw deg ɣuct 1957 deg temnaḍt n Tmellaḥt, yellan deg usun wis 4 n temnaḍt tis II n ugezdu wis III amazray. Yella d yiwen n umaslaḍ urmid n yiwet n tkebbanit n Tredsa n uslelli i yeṭṭef Afḍis, sakkin Brahim El Mouhli akked Aissa Blindé.

Akk tamnaḍt n Tmellaḥt, Ssaḥariǧ, Imesdurar, Agillal, Semmac, Zriba, at Yeɛla « llan d dduḥ n tegrawla. Deg usun-a i remdeɣ d aserǧan, sakkin d aserǧan aɣella, uɣalen sakkin d ameggi n tuqqna deg temnaḍt n Ḥǧila alamma d tilisa n ugezdu n yimir-a n Temsilt », i d-isegra Bouachrine.

Seg yidis-is, afesyan aqbur n Tredsa n uslelli aɣelnaw, Salah Ouzrourou, yenna-d dakken netta akked yimeddukkal-is ddren, « yiwet n tegnit n dir » deg temzelt n « Jumelle ». « Tessaweḍ-aɣ akken ad nbeddel asuddes n tgezmiwin i nebḍa d tigrawin timejṭaḥ akken ad menɛent seg tdusiwin tihersanin i yeṭuqqten tigawin deg tẓegwa akked yiran n tudrin s tallalt n temsafga akked wallalen iredsanen nniḍen », i d-inagi Mass Ouzrourou, i yeṭṭfen amḍiq n umeggi n tuqqna (1958-1959), sakkin d anedbal amnaḍan seg 1959 ar 1960 deg temnaḍt tis II n usun wis 4 n ugzum wis III amazray.

Ila 81 n yiseggasen deg leɛmer-is, ilul deg temnaḍt n Ɛin Lḥemmam (agezdu n Tizi Wezzu), yemmekta-d Salah Ouzrourou akked wuguren i d-mlalen deg usegrew n tudrin akked yimdanen. « D ayen yellan d aweɛran ad nerr aseɣwen akked tudrin teṭṭef tredsa tamhersant », i la d-yettmekti.

« Iɣellaten-nneɣ umren-aɣ-d akken ad nessenɣes ambiwel anagar mi ara nettwaḥettem, yerna ad nettɛassa akken yessefk, qbel ad nekker, sakkin, ɣer beṭṭu n tgezmiwin d tigrawin timejṭaḥ n 12 n yimǧuhad akken ad zemren ad qablen tamzelt-a ideg d-bran i wugar n 500.000 n yiserdasen ifransiyen i la d-ttallalen wallalen n yisgalfen imeqqranen », i d-yessegzi ufesyan-a aqbur n Tredsa n uslelli aɣelnaw.

Yesseddi-d Si Salah Ouzrourou dakken tasetratijit tamaynut n tegrawin timejṭaḥ ɣɣaren-as daɣen « Azlu » lan iswi n usishel n tikli n yimnaɣen n Tredsa n uslelli aɣelnaw akked mi ara ruḥen ad qḍun tagella akked yiselsa i teyunin yemgarden, akked mi ara gen inṭagen mgal n ucengu.

Last modified on Asamas, 24 Yulyu 2022 09:58
Amgaru n uslelli : allus n usuddes n yidurran n Tredsa n uslelli iḥettem-d iman-is akken ad iqabel tamzelt « Jumelles » (Tanaga)
  Yeffeɣ-d ass n : Akwas, 21 Yulyu 2022 11:06     Taggayt : LEZZAYER     Ɣran-t : 0 n tikkal   Bḍu