Menu principal

Menu principal

Iɣbula n waman : 60 n yiseggasen n useḍru i uḍman n tɣellist n waman

Yeffeɣ-d ass n : Asamas, 17 Yulyu 2022 16:31   Ɣran-t : 1 n tikkal
Iɣbula n waman : 60 n yiseggasen n useḍru i uḍman n tɣellist n waman

ZZAYER  TAMANEƔT – Agzum n Yiɣbula n waman yedder, deg Sḍimraw (60) n yiseggasen n uzarug, iseḍra imeqqranen i yesnernan s asigeẓ aɣelnaw n waman n tissit i yewḍen ar 3.6 mds m3, s aḍman n usedger uɣdim amneknay n waman yerna icar izudar n tsetrajitit taɣelnawt akken ad naweḍ ɣer tɣellist n waman, s yiɣbula-iḍen am tukksa n tisent i waman n yilel.

Agzum i yessetkelen s uḍman n tɣellist n waman deg Zzayer, s wahilen yemgarden i d-yettwaseḍran seg usuɣal n tnaya taɣelnawt, ass n 5 yulyu 1962, yesni aṭas n yiseḍra, ɣas akken yemmuger-d mennaw n yicqirrwen, ɣef umedya lqella n uɣelluy n unẓar akked unerni arurad n tlalit, rnu-yas temɣer n tmurt-nneɣ.

Deg 60 n yiseggasen n uzarug, agzum n Yiɣbula n waman yebda la yessihriw aẓeḍwu n waman n tissit akken ad yaweḍ, ɣer teggara n useggas n 2021, 143.000 km, neẓra dakken aya yella yerza kan, ar-mi d-yewweḍ uzarug, imhersen urufiyen i izedɣen deg temdinin timeqqranin, llan kan 35% seg yimdanen yeddren deg tmurt-nneɣ s yiwet n tlemmast tayalast n 90 n yilitren i yiwen n umezduɣ, i d-nnan i Tnegga n Yisalan n Zzayer yimeẓla n uɣlif n Yiɣbula n waman akked tɣellist n waman.

Imeẓla-nni nnan-d dakken llant 116 n teɣsar yettefin aman n tjumma, ɣer teggara n useggas , 2021, s yiwen n ukettur n 5.858.700 m3/ass.

Deg wayen yerzan ableɣ n usigeẓ aɣelnaw n waman n tissit, wa yewweḍ ar 3.6 mds m3 deg useggas n 2021 ideg ila atug n 50% i d-yekkan seg waman n ddaw n tmurt, 33% n waman n tjumma akked 17% n waman n yilel i wumi kksen tisent.

Rsen wuggugen gar yisenfaren i yeḥwaǧen asiẓref ameqqran krak kan sḍimraw (60) n yiseggasen-a ineggura.

Kettur n tufra n waman n wuggugen deg Zzayer yekka seg 908,8 imelyunen m3 (13 wuggugen) deg useggas n 1962 ɣer wugar 8.6 mds m3 assa s wugar n 80 n wuggugen ideg nesmahal kan 75 seg gar-asen.

Yesmemmi ugzum yiwet n tsetratijit taɣelnawt n tuqqna n yimeḍqan n tuffra n waman, d anagraw amnaḍan, am « unagraw Mao » akked win n « unagraw n Bni Harun ». Seg useggas n 1962 ar assa, 16 lluzinat akked yimeḍqan n usiweḍ n waman i d-yettwasɣenwen i usegrew n waman n tjumma.

Deg wayen yerzan aman n ddaw n tmurt, tesɛa imir-a Zzayer 281.000 n teyunin n yiɣbula, s yiwen n ukettur n wugar n 6,6 mds m3, ɣef wakken i d-nnan yimeẓla-nni, ma d anuten, llan 27.200 i ɣzen d agerruj anagdud i iṣerfen fell-as.

Gar wayen i iga ugzum, yessefk daɣen ad nebder isenfaren n ueḍru n lluzinat n uṣeffi n waman n yilel, gan 34 n teɣsar yerna la ten-smahalen ar assa, sɛant akettur n ufares n wazal n 52,6

millions m3 i useggas, akken ad nesseǧhed n usigeẓ s waman n tissit i 1.166.715 n yimezdaɣen.

Deg wayen yerzan asway deg tkerrazt, llan assa 45 yizzikiten imeqqranen n usway, tajumma n yisgulaf deg-s 279.000 n yiqṭaren, i wumi i d-zzin 48 n wuggugen imeqqranen, mgal 7 deg useggas n 1962, ila yiwet n tjumma 105.000 n yiqṭaren ideg llan kan 44.000 n yiqṭaren n tjumma yettwaswayen s tidet, ssebba-s d lqella n waman yellan deg wuggugen.

Akal-a sswayen-t seg waman n wuggugen neɣ seg zzazedgen aman n tzuliɣin, neẓra dakken llant 200 n teɣsar n usiozdeg i la smahalen imir-a s yiwen n ukettur n uṣeffi n 1,1 n yimelyaren n m3 i useggas, ideg llant 20 teɣsar yerzan i usway n wakal n tkerrazt, ɣef wakken i d-yenna uɣbalu.

Deg wayen yerzan asedwes, isenfaren i d-sseḍran ssawḍen akken ad zegren seg yiwen n utug n tuqqna ur nekki ara i 20% deg useggas n 1962, ar 91% deg useggas n 2021, aẓeḍwu aɣelnaw n usedwes yewweḍ ar 47.000 km.

 

Tukksa n tisent i waman n yilel, d aɣbalu amlellay

Aseḍru n tɣellist n waman d yiwen seg gar yimirwen n uselway n Tegduda, Mass Abdelmadjid Tebboune i yumṛen akken ad gen yiwet n teɣsert tamellilt, akken ad frun ɣef yiwet n tikkelt i usigeẓ s waman n tissit akked uḍman n tɣellist n waman deg tmurt.

Deg temlilit tagraɣlifant n 01 ɣuct 2021, ɣdebban ɣef tigin n yiwet n tsetratijit n tigawt i 2024 akked 2030, yersen ɣef usizwer n usegrew n yiɣbula n waman ara idumen.

Tsetratijit-a tla iswi n usigeẓ n temnaḍin yellan ɣef yiri n yilel akked temnaṣin i d-yezgan beɛdent s 150 n yikilumitren ɣef teɣsar n tukksa n tisent, anda i ṭṭuqqten yimezdaɣ yessawḍen ɣer 80% n seg uɣrud n yimezdaɣ n tmurt.

S tsetratijit-a, atug n usmahel n waman i wumi tettwakkes tisint ad yekk nnig n 17% m3 i useggas, i kecmen deg ukatar n yiwen n unagraw n usigeẓ n 16 n yigezda s waman n tissit, seg 19 n teɣsar n tukksa n tisint akked 4 n teɣsar n tukksa n tisint seg wamlan n yilel.

Atug n usmahel n waman i wumi tettwakkes tisint ad yennerni s 42% akken ad yaweḍ ar 60% deg yigli n useggas n 2030, s yiwen n ufares n wazal n 2 n yimelyaren m3 i useggas, yekcem deg yiwen n unagraw n usigeẓ n 35 n yigezda s waman n tissit, seg ara tekcem twala tis 2 n wahil n useḍru n teɣsar timeqqranin n tukksa n tisint n waman n yilel, s uẓunẓu n 6 teɣsar timaynutin ilan yiwen n ukettur n 300.000 m3 i wass i yal yiwet deg-sent.

 

Last modified on Aynas, 18 Yulyu 2022 13:24
Iɣbula n waman : 60 n yiseggasen n useḍru i uḍman n tɣellist n waman
  Yeffeɣ-d ass n : Asamas, 17 Yulyu 2022 16:31     Taggayt : LEZZAYER     Ɣran-t : 1 n tikkal   Bḍu