Menu principal

Menu principal

Tuɣalin s tdusi n tdiplumatit tazzayrit s asayes agraɣlan

Yeffeɣ-d ass n : Asamas, 17 Yulyu 2022 12:52   Ɣran-t : 1 n tikkal
Tuɣalin s tdusi n tdiplumatit tazzayrit s asayes agraɣlan

ZZAYER  TAMANEƔT – Tadiplumatit tazzayrit, d tamekdit ɣer yimenzayen n 1 Wamber 1954, ters ɣef tallalt n tmentilin tuɣdimin akked uzref n yiɣerfan i tguccelmant, teɣḍem yiwet n tuɣalin s tdusi ɣef usayes agraɣlan s uttekki-s deg ferru n tezɣan deg temnaḍt akked usersi n telwit, i d-yenna umǧahed anmahal aqbur, Noureddine Djoudi.

Deg yiwet n tdiwennit i iga akked Tnegga n Yisalan n Lezzayer i lmend n usfugel n umulli wis 60 n usuɣal n tnaya taɣelnawt, yezzireg-d Mass Djoudi dakken tadiplumatit tazzayrit turar yiwet n temlilt taxatart deg usderfi n tmura seg uzaglu ahersan.

Yerna yesseddi-d dakken asurif amezwaru yeḍra-d asmi i gzan, yiɣellaten n Tegrawla, tixxutert n umennuɣ adiplumati akken ad qablen tamhersa i iɛerḍen, ugar n tmiḍi n yiseggasen, akken ad tessemsu tamagit tazzayrit.

I wakken ad nqabel tazniwt tafransit, i d yesnekden Zzayer amzun d « aḥric agensi n Fransa », yella yessefk ad nesseɣnew yiwen n umussu n tinezt akked temsetlelt tanmaḍalt, i wakken ad naweḍ ɣer yiswi-ya, tqelleɛ « tdiplumatit n umgaru ».

Aya yeḍra-d s « ulday n tnariyin akked tgensas n Tirni n uslelli aɣelnaw (FLN) deg mennaw n tmunaɣ, ladɣa deg tmura i yettallalen Fransa », i d-yessezgi udiplumati aqbur.

Tkli-ya, n « uzikken i yimdanen n umaḍal tilawt akked yineḍrayen akken ad siten ɣef yinabaḍen n t n tmura yettallalen Fransa tamhersant, s yiɣerfan-nsen, akked uzikken daɣen dakken Taredsa n uslelli aɣelnaw deg-s imdanen igrawlanen mačči inekraben yellan ddaw leɛnaya n tnemla Tagraɣlant », ɣef wakken i d-yenna udiplumati.

Yebder-d imǧuhad i yesseddan tamentilt tazzayrit deg usayes agraɣlan, yenna-d Noureddine Djoudi dakken yella Tayeb Boulahrouf, i yettekkan deg tiwin n yimasayen iṭalyaniyen akken ad allen tamentilt taɣelnawt, ideg yella umseɣnew n teṛmist Eni, Enrico Mattei ».

Ɣef wakken i yettwali udiplumati, amennuɣ iga Boulahrouf mazal la d-yettawi igumma-s, ttbut n waya d assaɣen iǧehden yellan assa gar Zzayer akked Ṭṭalyan.

Yerna yesmekta-d alday n tnarit deg Yiɣlanen Yedduklen deg New York i iga Hocine Aït Ahmed, M'hamed Yazid akked  Abdelkader Chanderli. Aneggaru-ya yessaweḍ akken ad yesseqneɛ asinatur John Kennedy i d-yeɣran deg tinaw-is mechuṛen « inaw azzayri », sdat n usinat akked usṭeɛref s uzarug  n Zzayer ».

« Tadiplumatit tazzayrit, tezga tella d amrig, yersen ɣef yimenzayen ijehden, ɣef umedya azref n yiɣerfan i tlelli akked ugemmir, d aya i d-yessezgin dakken tadiplumatit-nneɣ tsenned, ar assa, ɣef uḥuddu n uzref n yiɣerfan i uguccelman », i d-yenna unmahal aqbur.

Deg wayen yerzan tadiplumatit tazzayrit seg i d-newwi azarug, yenna-d Mass Djoudi dakken nella nessaram, deg tallit-nni, ad nsers yiwet n tfekka tadiplumatit ilan lsas d asileɣ yerna imaslaḍen n Tredsa n uslelli, ula d netta, fernen-ten-id yerna sersen-ten deg yimeḍqan n yinmahalen fkan-asen iwellihen igejdanen i d-yettinin dakken amennuɣ n yiɣerfan yenḥafen seg uzaglu amhersan akked umaḥyaf iniri d amennuɣ daɣen n Zzayer.

« Seg i d-newwi azarug, tebda yiwet akken n tfekka tadiplumatit la tbed ɣef yidarren-is, s unekcum ɣer yiɣerbazen n usileɣ adiplumati deg uzɣar, ar-mi d-nesseɣnew aɣerbaz-nneɣ deg uɣlif n Yiweẓla n uzɣar akked Umɣiwan aɣelnaw yeddren deg uzɣar », i yerna yenna-d.

Yesmekti-d Mass Djoudi tallalt n tdiplumatit tazzayrit i yimasayen n tefriqt n unẓul, Nelson Mandela i yebɣan ad yehreg seg umennuɣ n Yizzayriyen i yessawḍen ad tcir « tadiplumatit n umgaru », imi d yiwen n ufecku axatar i wakken ad issinen tamentilt n uɣref-is akked umaḥyaf aniri ideg llan akked usegzi i umaḍal anagraw n « Apartheid », seg yimir-nni i yebda adram n unhil-a n umaḥyaf deg Tefriqt n Unẓul, i d-yenna.

Yerna yebder-d attekki n Zzayer deg ferru n waṭas n tezɣan, ɣef umedya imarikaniyen yettwaṭṭfen def Iran, ferru n umgaru yellan gar tmurt-a akked Lɛiraq deg useggas n 1975, neɣ dɣa ferru n tezɣent n uxḍaf n usafag akuwiti deg useggas n 1988, yezzireg-d dakken tadiplumatit tazzayrit tezga tessaram talwit akked teɣdemt gar tmura yelan deg yimenɣi yerna tettwaqenneɣ dakken akk imenɣiyen igensiyen ferrun s tdiplumatit akked udiwenni, akked unadi ɣef tifrat tamelwit mgal tgermant tasertant neɣ taredsant n teḍniwin tiwerdaniyin.

I lmend n waya, yesmekti-d tidgi n Zzayer ɣer tmura tinaragin, ideg tella Libya, yesseddi-d dakken teɣra-d i war-tagermant deg yiweẓla igensiyen n tneggarut-a, s uḥettet ɣef wakken yessefk ad nallel Libya akken ad teg tadukli-s, akken daɣen ula i Mali.

 

« Tafriqt, d tuzwirt tamezwarut » 

Anmahal aqbur deg Tefriqt n unẓul, deg Ungula akked tmura n wadda yesḥassef ɣef tuɣalin ɣer deffir n tdiplumatit tazzayrit deg yiwet akken n twala, maca yenna-d, « qel-aɣ nuɣal-d assa s tdusi » yezzireg-d dakken Aselway n Tegduda, Mass Abdelmadjid Tebboune yenna-tt-id s tseddi, amirew n Zzayer ɣer yidis n Tefriqt d tuzwirt tamezwarut. »

Yenna-d « umareɣ » mi walaɣ tadiplumatit tamaynut iremden am deg yiseggasen n Tegrawla, yerna yenna-d dakken « tadiplumatit-nneɣ tezmer assa ad tqabel akk anṭagen yellan mgal n Zzayer.

Yella assa ayen i wumi nettini tadiplumatit n uɣnas, am tin i yellan deg ukud-nni n umgaru n uslelli ».

Yella yiwen n useɣnew gar tdiplumatit n umgaru akked tdiplumatit tamaynut, i d-yenna, yesseddi-d dakken tigawin i tga Zzayer akken ad tefru imennuɣen yemmal-d tamlilit taferrast yerna d tagejdant n tdiplumatit-is ».

Izul mass Djoudi azwur n Uselway n Tegduda i « usegrew n yiḥricen ifalastiniyen » deg temlilit tamazrayt gar uɣella n tnarit tasertant akked umussu n Hamas, Ismail Haniyeh akked uselway afalasṭini, Mahmoud Abbas seg zrin yiseggasen n uɣunzu.

« Tenǧeḥ tdiplumatit tazzayrit akken ad tsers asurif amezwaru akken ad tekkes beṭṭu gar yiḥricen ifalasṭiniyen, i d-yenna, yerna-d dakken « sya d afella, d Ifalasṭiniyen iɣef yessefk ad gen tirni yeddukklen mgal n yiṣehyuniyen ».

Yesmekta-d ambiwel imezgi n Uselway Tebboune deg waṭas n tmura, asṭuqqet n yirmuden n tdiplumatit tazzayrit akked tirza n Uneɣlaf n Yiweẓla n uzɣar akked Umɣiwan aɣelnaw yeddren deg uzɣar Ramtane Lamamra, yenna-d dakken timura taɛrabin remsent akken yessefk yerna zulen Taqacuct taɛrabt ara d-yeḍrun deg Zzayer deg wamber i d-iteddun.

Yerna yezzireg-d Mass Djoudi dakken  tadiplumatit tazzayrit i d-yurwen yiwet n tedɣert n yidiplupatiyen am umeɣrtas Mohamed Seddik Ben Yahia akked wiyaḍ, tezmer ad tessileɣ wiyaḍ, deg ubrid n wid i ten-id-yezwaren akked yimenzayen n tallalt n tmentilt tuɣdimt akked uzref n yiɣerfan i uguccelman.

 

Last modified on Aynas, 18 Yulyu 2022 13:34
Tuɣalin s tdusi n tdiplumatit tazzayrit s asayes agraɣlan
  Yeffeɣ-d ass n : Asamas, 17 Yulyu 2022 12:52     Taggayt : LEZZAYER     Ɣran-t : 1 n tikkal   Bḍu