Print this page

Ihenna uselway Tebboune ajiniṛal n tredsa Chanegriha ɣef ugerrez n umsudeɣ aredsan

Yeffeɣ-d ass n : Akwas, 07 Yulyu 2022 10:01   Ɣran-t : 1 n tikkal
  • Bḍu
Ihenna uselway Tebboune ajiniṛal n tredsa Chanegriha ɣef ugerrez n umsudeɣ aredsan

ZZAYER TAMANEƔT – Ihenna uselway n tegduda, aɣella anafella n yiɣallen umrigen, aneɣlaf n umzaɣ aɣelnaw, Mass Abdelmadjid Tebboune, ass n ukras, deg yiwen n yizen i uɣella n umaddad n Tredsa Taɣelnawt Taɣerfant, ajiniṛal n tredsa Saidi Chanegriha, ɣef usuddes igerrzen n umsudeɣ aredsan ay d-yellan i usfugel n umulli wis 60 n uzarug. D ta ay d tasuqqilt n yizen n Mass aselway sɣur Tanegga n Yisalan n Zzayer:

« Mass Ajiniṛal n Tredsa, Said Chanegriga, aɣella n umaddad n Tredsa Taɣelnawt Taɣerfant,

Zzayer, aɣlan-nneɣ ɣlayen, yesfugel amulli wis sḍimraw n usuɣal n tnaya-nnes taɣelnawt deg yiziɣer ameẓraɣlan yeẓẓan deg uɣref-nneɣ yernu yeḍfer s zzux amsudeɣ aɣelnaw deg tnezzayt n 5 Yulyu. Tadyant-a tella-d d tasurfant mliḥ yernu d tin ay d-yeglan s usemdu ɣef yimer n Tzzayriyin d Yizzayriyen ay yeqqimen acḥal n yiseggasen ur walan ara tidyanin meqqren am ta, d tid ay d-yesskanayen tugna ijehden, yessewhamen n temyamaẓt n tredsa-nneɣ taɣast d uɣref-nneɣ ameqqran.

Wi d isuyas ay yesɛan azal yernu ttwassuddsen s tseddi d uskerwi n yifatusen. Aya yella-d d tayafut n tissudert d uselkem umqit n tseddi n uswir unnig… Ta d taṣekka ay feṛṛǧen ula d iɣellaten n uwanak d twegdiwin ay iḥedṛen deg tedyant-a yernu d anẓa ur yettwankaṛen n tiɣɣudma n tiddit ay teḍfer tsudut taredsant n tmurt-nneɣ ay itteddun s yisurifen d imeqqranen deg ubrid n uskerwi n tussniwin titrarin d tesnatwilin tiredsanin tinaẓiyin, dɣa d aya ay yeǧǧan aɣlan-nneɣ ad yeddu d yimhazen ineggura n unrar aredsan yernu d aya ay yeǧǧan taredsa-nneɣ ad tesɛu azrak meqqren ɣer uɣref-nnes.

Ummareɣ s waṭas s umures ameqqran n umsudeɣ aredsan ay d-yesmenden akk udmawen-nnes s tgurmit yernu  ssenfalayeɣ-awen-d azal meqqren ama i kečč, ama i wakk ifesyanen, idufesyanen, iserdasen d yimahalen ay isaggen ɣef temhal n usmuteg d uselkem yernu sseḥbabren ɣef uɛeddi yelhan n tedyant-a armi d timikt taneggarut.

Ad ken-henniɣ akken ma tellam ɣef unfus-a ameqqran ay as-d-yerran i Zzayer afeǧǧeǧ ay tuklal am wakken ay d-yerra i uɣerman zzux s tmurt-nnes d teflest deg-s… Wa d anfus ara yettwarun s yisekkilen n wureɣ deg useklas n umezruy n yinfusen n Tredsa Taɣelnawt Taɣerfant yernu afa n unfus-a ad yeqqim yedder deg tkatut n uɣlan am wakken ara yefk aṣda akkin i tlisa ayɣef tettɛassam s tebɣest ».

 

Last modified on Akwas, 07 Yulyu 2022 18:09
Ihenna uselway Tebboune ajiniṛal n tredsa Chanegriha ɣef ugerrez n umsudeɣ aredsan
  Yeffeɣ-d ass n : Akwas, 07 Yulyu 2022 10:01     Taggayt : LEZZAYER     Ɣran-t : 1 n tikkal   Bḍu