Deg yiwen n yinaw i d-yeɣra deg yimekli i ssuddsen i userhu n yiwet n tmagla n yilemẓiyen n umɣiwan aɣelnaw yeddren deg Fransa, i ihan deg tfugla n ulday n teẓrigt tis 19 n Turarin tigrakalanin, d Aselway n Tegduda, Mass Abdelmadjid Tebboune i ten-id-yesnebgin.

Yenna-d uneɣlaf dakken « attekki n umɣiwan aɣelnaw deg yiseksal yemgarden i yettwasuddsen deg tmurt, d ayen yellan d « axatar ». « Aya yesmektay-aɣ-d akked aɣras ameqqran ideg ṛuḥen d asfel yizzayriyen yellan ddren deg uzɣar ɣef tririt n tnaya taɣelnawt akked tlelli ».

Yerna daɣen yeɣdebba ɣef « tixxutert n uttekki n umɣiwan-a deg yiseksal n umulli wis 60 n Tmeɣra n Uzarug i la tettheyyi Zzayer ad tessuddes », yules-d i « umirew n Uselway n Tegduda akked tdiplumatit tazzayrit akken ad tṛafeq yerna ad tallel taneggarut-a acku d aḥric seg uɣlan ».