Menu principal

Menu principal

Icar-d uselway Tebboune Turarin Tigrakalanin n Wehṛan n 2022

Yeffeɣ-d ass n : Asamas, 26 Yunyu 2022 10:21   Ɣran-t : 20 n tikkal
Icar-d uselway Tebboune Turarin Tigrakalanin n Wehṛan n 2022

WEHṚAN – Icar uselway n tegduda, Mass Abdelmadjid Tebboune, s wudem unṣib Taẓrigt Tis 19 n Turarin Tigrakalanin n Wehṛan n 2022 deg tfugla ay yettwassuddsen ass n usiḍyas deg unarir n Usuddis Ulampi n Miloud Hadefi deg Wehṛan.

« S yisem-nneɣ akken ma nella, ad sneṣfeɣ s wakk inebgiwen-nneɣ d wakk timagliwin, ɣef yiɣef-nsen, inebgi-nneɣ n userhu, lamir n Uwanak n Qaṭar, tifazit-nnes Ccix Tamim Ben Hamad Al-Thani. Ad d-sɣerteɣ, s wudem unṣib, arẓam n teẓrigt tis 19 n Turarin Tigrakalanin n Wehṛan n 2022. Tuder i Zzayer », ɣef wakken ay d-yenna uselway Tebboune i lmend n waya.

Deg tfugla-a, derwen yinebgiyen yesɛan azal, gar-asen iqebṭanen n yimḍebbren n San Marino, Oscar Mina akked Paolo Rondelli, anmazul n uselway aṭerki, Fuat Oktay, taneɣlaft taṭalyanit n ugensu, Luciana Lamorese, akked uwnetlay amatu n Tdukli i Ugrakal, Nasser Kamel.

Aciri n turarin-a terwar-it-id yiwet n tfugla n urẓam aydeg d-yella wahil aẓuran d anesbaɣur ay d-yettwasmutgen i ddemma, d win aydeg d-yella uẓawan d uhanay n turarin n tmest.

Asemned aẓuran d win aydeg d-gan 20 n tfelwiyin aydeg derwen 800 n yimdanen, gar-asen inaẓuren, imedrazen, imsatwilen n tugna d wid n usfaw.

Turarin Tigrakalanin ad ttwassuddsent gar 25 Yunyu d 6 Yulyu deg Wehṛan s udraw n 3.390 n yinaddalen seg 26 n tmura.

 

Last modified on Asamas, 26 Yunyu 2022 13:51
Icar-d uselway Tebboune Turarin Tigrakalanin n Wehṛan n 2022
  Yeffeɣ-d ass n : Asamas, 26 Yunyu 2022 10:21     Taggayt : LEZZAYER     Ɣran-t : 20 n tikkal   Bḍu