Menu principal

Menu principal

Zzayer-Ṭṭalyan: Azmal n mennaw n yimtawayen n unmireg

Yeffeɣ-d ass n : Asimwas, 27 Mayu 2022 12:55   Ɣran-t : 0 n tikkal
Zzayer-Ṭṭalyan: Azmal n mennaw n yimtawayen n unmireg

ZZAYER TAMANEƔT – Yesselwi uselway n tegduda, Mass Abdelmadjid Tebboune, ɣer yidis n uselwya n useqqamu n yineɣlafen n Ṭṭalyan, Mass Mario Draghi, ass n ukwas deg Ṛuma, tafugla n uzmal n mennaw n yimtawayen ixataren n unmireg gar snat-a n tmura deg mennaw n tɣula, ɣef wakken ay d-yenna yiwen n ulɣu n yiweẓla iwerdaniyen d umɣiwan aɣelnaw deg uzɣar.

Yiwen seg yimtawayen-a d tasektayt n umsegzu i usnegmu n unmireg asindisan azzayri-aṭalyani yerzan tiṛmisin tilemmasin d tmecṭuḥin d temguriwin tilemmasin d tmecṭuḥin akked tesguri tucrikt n umennuɣ mgal usgufsu d usidrem n tremɣa, ɣef wakken ay d-yenna uɣlif.

Aḍris-a yesskanay-d timeɣsiwt n uselway n tegduda akken « ad yeṭṭef deg yimirwen-nnes yerzan amennuɣ mgal usekki arusḍif n yidrimen d usuɣal n wayla ay yettwareɣmen ɣer uzɣar », ɣef wakken ay d-yenna ulɣu-a.

Amtawa niḍen yettwazemlen d tasektayt n umsegzu i unmireg deg ugzum n tmerrit d uneggaf n umtawa deg tɣult n yidles.

Tettwazmel daɣ tsektayt n umsegzu gar Sonatrach d teṛmist taṭalyanit n ENI deg tɣult n usnirem.

Seg yidis niḍen, yernu i lmend n usmuteg, deg Zzayer Tamaneɣt, n usuddes n Tqacuct Tagernabaḍt Tis 4 gar Zzayer d Ṭṭalyan ussan n 18 d 19 Yulyu 2022, gan-d tasguri ay zemlen uneɣlaf n yiweẓla iwerdaniyen d umɣiwan aɣelnaw deg uzɣar, Mass Ramtane Lamamra, d umtil-nnes aṭalyani, d tin aydeg sin-a n yinabaḍen wekkden-d timeɣsiwt tucrikt n usdusu n ublag-nsen asnuddsan d usdusu n wassaɣen gar Zzayer d Ṭṭalyan deg yigzumen uzwiranen.

 

Last modified on Asimwas, 27 Mayu 2022 14:25
Zzayer-Ṭṭalyan: Azmal n mennaw n yimtawayen n unmireg
  Yeffeɣ-d ass n : Asimwas, 27 Mayu 2022 12:55     Taggayt : LEZZAYER     Ɣran-t : 0 n tikkal   Bḍu