Menu principal

Menu principal

Yemlal Uselway Tebboune, deg Ṛuma, akked yigensasen n umɣiwan azzayri yeddren deg Ṭalyan

Yeffeɣ-d ass n : Akwas, 26 Mayu 2022 08:42   Ɣran-t : 0 n tikkal
Yemlal Uselway Tebboune, deg Ṛuma, akked yigensasen n umɣiwan azzayri yeddren deg Ṭalyan

ZZAYER  TAMANEƔT – Aselway n Tegduda, Mass Abdelmadjid Tebboune yemlal, ass n ukras (larebɛa) deg Ṛuma,  akked yigensasen n umɣiwan azzayri yeddren deg Ṭalyan, yusa-d waya, deg ukatar n tirzi-s n Uwanak i la yetteg deg tmurt-a seg i t-id-yesnebgi umtil-is aṭalyani, Sergio Mattarella.

I lmend n waya, yenna-d Uselway Tebboune dakken asihel n temlilit-a akked umɣiwan azzayri deg tazwara n tirzi-s, yers deg lebɣi n usmuzget i wayen iceɣben akked wayen ttraǧun yinesɣuma n umɣiwan azzayri akked uttekki-nsen deg ukala adamsan akked usnefli n tmurt.

Yefreḥ daɣen uselway n Tegduda, s tedgi tamazrayt yettwaqadaren n Ṭalyan ɣer Zzayer, ladɣa deg Tegrawla n uslelli, yesmekti-d tallalt Enrico Mattei iɣef d-yenna dakken d yiwen n « umeddakel ayiwnan ».

Assaɣen yellan gar Zzayer akked Ṭalyan jehden, yellan daɣen gar wassaɣen aɛraben-iyurufen ijehden ugar deg temnaḍt tagrakalant, i d-yenna Uɣella n Uwanak.

Last modified on Akwas, 26 Mayu 2022 12:08
Yemlal Uselway Tebboune, deg Ṛuma, akked yigensasen n umɣiwan azzayri yeddren deg Ṭalyan
  Yeffeɣ-d ass n : Akwas, 26 Mayu 2022 08:42     Taggayt : LEZZAYER     Ɣran-t : 0 n tikkal   Bḍu