Menu principal

Menu principal

Yeqleɛ uselway Tebboune seg Zzayer akken ad yerzu ɣef Ṭṭalyan

Yeffeɣ-d ass n : Akras, 25 Mayu 2022 13:01   Ɣran-t : 0 n tikkal
Yeqleɛ uselway Tebboune seg Zzayer akken ad yerzu ɣef Ṭṭalyan

ZZAYER TAMANEƔT – Yeqleɛ uselway n tegduda, Mass Abdelmadjid Tebboune, ass n ukras seg Zzayer Tamaneɣt ɣer Ṭṭalyan anda ara yebdu tirzi n uwanak n kraḍ n wussan s uneɛruḍ sɣur uselway n Tegduda n Ṭṭalyan, Mass Sergio Mattarella.

Deffir ma yesla i yimseɣret aɣelnaw deg Tmesrit n Userhu n Unafag Agraɣlan n Houari-Boumediene, yessukk uselway Tebboune tiṭ ɣef yiwet n tsileɣt n Tiḍaf Tigdudanin ay as-yerran tajmilt.

Mi yenker ad yeqleɛ uselway n tegduda, yessafeḍ-it uneɣlaf amenzu, Aimene Benabderrahmane, ɣer yidis n ujiniṛal n tfekka n tredsa, aɣella n umaddad n Tredsa Taɣelnawt Taɣerfant, Said Chanegriha, d unemhal n udiwan n tselwit n tegduda, Abdelaziz Khellaf.

Tirzi-a tesɛa « tixxutert d tameqqrant ladɣa deg wayen yerzan asdusu n wassaɣen imezruyanen n tammidwa d usdusu n wassaɣen isindisanen deg mennaw n tɣula, ladɣa deg tdamsa, yernu yella-d waya deg ukatar n tmuɣli tamaynut n sin-a n yiselwayen akken ad sduqqsen adiwenni d unmireg asnuddsan gar snat-a n tmura tinaragin d timidiyin », ɣef wakken ay d-yebder, ass n usinas, ulɣu n tselwit n tegduda.

 

Last modified on Akras, 25 Mayu 2022 16:56
Yeqleɛ uselway Tebboune seg Zzayer akken ad yerzu ɣef Ṭṭalyan
  Yeffeɣ-d ass n : Akras, 25 Mayu 2022 13:01     Taggayt : LEZZAYER     Ɣran-t : 0 n tikkal   Bḍu