Menu principal

Menu principal

Zzayer-Rrus: Asnegmu n unmireg asindisan deg tɣult n uselɣu

Yeffeɣ-d ass n : Asinas, 24 Mayu 2022 08:17   Ɣran-t : 1 n tikkal
Zzayer-Rrus: Asnegmu n unmireg asindisan deg tɣult n uselɣu

ZZAYER TAMANEƔT – Yemmuger uneɣlaf n teɣwalt, Mohamed Bouslimani, ass n uynas, anmazal n Tfidiṛalit n Rrus seg Zzayer Tamaneɣt, Igor Belaiev, yernu yessekyed yid-s ammaken n usdusu n unmireg asindisan ladɣa deg tɣult n uselɣu, ɣef wakken ay d-yenna yiwen n ulɣu n uɣlif.

Deg umyager-a ay d-yellan deg tesɣimt n uɣlif, wekkden-d sin-a n yidisan ɣef « tḍullit n usduqqes n unmireg asindisan deg tɣult n uselɣu s usdusu n unmireg gar tsuda n yimidyaten tizzayriyin d temtilin-nsent tirusiyin s umsenfal n termitin », ɣef wakken ay d-yenna uɣbalu-a.

Iwekked-d Mass Bouslimani ɣef tixxutert n umahil ddukkli i usnegmu n wassaɣen deg tɣult n uselɣu d usali n uswir n wassaɣen isertanen yellan gar snat-a n tmura.

Seg yidis-nnes, yummar unmazal arusi s unmireg gar snat-a n tmura, am wakken ay d-yessenfali timeɣsiwt n Rrus akken ad tesdus anmireg deg tɣult n uselɣu yernu ad d-tesduqqes tadinamit yerzan aya.

Adiplumati-a arus yesnemmer daɣ Zzayer ɣef « wadduden-nnes uɣtisen yettwameyyzen » d « wussisen-nnes akken ad tedrew deg uferru n tezɣent tanimirt ».

 

Last modified on Akras, 25 Mayu 2022 08:46
Zzayer-Rrus: Asnegmu n unmireg asindisan deg tɣult n uselɣu
  Yeffeɣ-d ass n : Asinas, 24 Mayu 2022 08:17     Taggayt : LEZZAYER     Ɣran-t : 1 n tikkal   Bḍu