Menu principal

Menu principal

Aɣawas aɛṛab n usegmi deg tallit n tezɣent: Yettwackeṛ-d usumer n Zzayer

Yeffeɣ-d ass n : Aynas, 23 Mayu 2022 08:25   Ɣran-t : 3 n tikkal
Aɣawas aɛṛab n usegmi deg tallit n tezɣent: Yettwackeṛ-d usumer n Zzayer

ZZAYER TAMANEƔT – Yeckeṛ-d unemhal amatu n Tuddsa Taɛṛabt i Usegmi, Idles d Tussniwin, Mohamed Ould Aomar, asumer n Zzayer deg wayen yerzan aseɣnew n tsudut taɛṛabt n tezrawin tisnuddsanin timakkiyin ara d-yelhun s usnas n uɣawas aɛṛab n usegmi deg tallit n umgaru, ɣef wakken ay d-yenna, ass n usamas, yiwen n ulɣu n uɣlif n usegmi aɣelnaw.

Deg umyager-nnes d uɣlif n usegmi aɣelnaw, Abdelhakim Belabed deg yijifeṛ n yimahilen n tedwilt tis 26 n usmanay n tuddsa-a ay d-yellan deg Tunes Tamaneɣt, iwekked-d Mass Mohamed Ould Aomar ɣef usumer azzayri ay d-yebder uneɣlaf deg tinawt-nnes, d win yerzan asnas n uɣawas aɛṛab i usegmi deg tallit n tezɣent yernu yettwasmemmi usemter-a deg tedwilt-nni.

Tasudut-a d tin ara d-yelhun s uzeddi n tsemsedda i usnas n uɣawas aɛṛab n usegmi deg tallit n tezɣent yernu d win ara iḍemnen asegmi i wakk imdanen yeddren deg tezɣent akken teɣs tili tegnit n tmeddurt-nsen.

Ssukken-d tiṭ sin-a n yidisan ɣef mennaw n temsal yerzan « asmal n unmireg deg usegmi, tussna d yidles yernu d aya ara as-ireẓmen tawwurt i Zzayer ad teṭṭef adeg ay tuklal deg unrar aɛṛab ».

Tuddsa-a tettwasseɣnew-d deg 1970 deg ukatar n Temɣunt Taɛṛabt yernu tasɣimt-nnes tusa-d deg Tunes Tamaneɣt. Tuddsa-a tessemyuddus ussisen aɛṛaben deg unrar n usegmi, idles d tussniwin am wakken ay d-yettili deg-s umsenfal n termitin gar tmura timaslaḍin.

 

Last modified on Asinas, 24 Mayu 2022 08:19
Aɣawas aɛṛab n usegmi deg tallit n tezɣent: Yettwackeṛ-d usumer n Zzayer
  Yeffeɣ-d ass n : Aynas, 23 Mayu 2022 08:25     Taggayt : LEZZAYER     Ɣran-t : 3 n tikkal   Bḍu