Menu principal

Menu principal

Iɛezza uselway Tebboune tawacult n tnaẓurt Chafia Boudraa

Yeffeɣ-d ass n : Aynas, 23 Mayu 2022 08:02   Ɣran-t : 1 n tikkal
Iɛezza uselway Tebboune tawacult n tnaẓurt Chafia Boudraa

ZZAYER TAMANEƔT – Yuzen uselway n tegduda, Mass Abdelmadjid Tebboune, tawacult n tmeṛḥumt Chafia Boudraa ay yewwḍen tamella n Yuc ɣer 92 n yiseggasen, yernu yenna-d dakken tameṭṭut-a d « tamudemt yernu d aɣerbaz i mennaw n tsuta n yinaẓuren » am wakken ay tella d « tanaẓurt yuklalen azrak n ugdud-nnes yeqqimen yettḍafar-itt s tekdit ».

« S uneɣni d ameqqran ay iyi-d-yewweḍ yisali n tmettant n tmeṛḥumt tanaẓurt Chafia Boudraa ay yewwi Bab-nnes ɣer yidis-nnes », ɣef wakken ay d-yura uselway n tegduda deg yizen-nnes n uɛezzi.

« Deg teswiɛt-a tuqriḥt, aql-aɣ nessafaḍ yiwen seg wudmawen imeqqranen n tẓuri tazzayrit ay d-yeǧǧan tadsilt-nnes ɣer yidis n waṭas n yinaẓuren n tsuta tamezwarut deg Zzayer tamzarugt, deg umezruy n umezgun, n tliẓrit d tegsarut tazzayrit », ɣef wakken ay d-yerna.

« Acḥal ay teqqim tnaẓurt-a d tamudemt yernu d aɣerbaz i wacḥal n tsutiwin n yinaẓuren, d ayen ay tt-yeǧǧan tuklal azrak n ugdud-nnes yeqqimen tettḍafar-itt s tekdit. ‘Lalla Ɛini’ tella d tanaẓurt yesɛan aswir agraɣlan », ɣef wakken ay d-yenna uselway Tebboune.

« Ala akennu ara neknu i tmeɣsiwt n Yuc Akmeḍni. Nekk yeggra-iyi-d kan ad ɛezziɣ s wul yenneɣnan, tawacult tadelsant, tin n yinaẓuren s umata d yiqriben n tmeṛḥumt s lxuṣuṣ, yernu ad ttreɣ Yuc ad yessers iɣsan n tmeṛḥumt-a deg tmella-nnes tuqdist, ad tt-yemmager deg temsunt-nnes tawesɛant yernu ad d-yazen taẓidirt d lwens i wayt twacult-nnes. Nekkni n Yuc yernu ɣer-s ara neqqel », ɣef wakken ay tt-id-yextem uselway n tegduda.

 

Iɛezza uselway Tebboune tawacult n tnaẓurt Chafia Boudraa
  Yeffeɣ-d ass n : Aynas, 23 Mayu 2022 08:02     Taggayt : LEZZAYER     Ɣran-t : 1 n tikkal   Bḍu