Menu principal

Menu principal

Goudjil yules iwekked-d ɣef « udhal aruwtil » n Zzayer i uɣref afalesṭini

Yeffeɣ-d ass n : Asamas, 22 Mayu 2022 12:47   Ɣran-t : 0 n tikkal
Goudjil yules iwekked-d ɣef « udhal aruwtil » n Zzayer i uɣref afalesṭini

ZZAYER TAMANEƔT – Iger-d tiɣri uselway n Useqqamu n Uɣlan, Salah Goudjil, i umɣiwan agraɣlan akken ad yeddem tamasit-nnes deg wayen yerzan tamsalt tafalesṭinit, am wakken ay yules iwekked-d adhal « ummid d uruwtil » n Zzayer i uɣref afalesṭini arma d asmi ara d-izeddi awanak-nnes amzarug s temdint n Lquds d tamaneɣt-nnes, ɣef wakken ay d-yenna, ass n usiḍyas, yiwen n ulɣu n tsudut-a tawamnit.

Deg yiwet n tesguri i lmend n urẓam n Usarag Afeɣnami Wis 33 n Tdukli Tagramnit Taɛṛabt ay d-yettilin deg Lqahira s usentel n « Laqṣa d yideggen uqdisen insemlen d yimasiḥiyen: D tuzwirt-nneɣ tamezwarut », ay d-yeɣra s yisem-nnes uselway n tegrawt n tfekraḍt taselwayant, Saad Arous, iger-d Mass Goudjil tiɣri « i umɣiwan agraɣlan akken ad yeddem timasiyin-nnes deg wayen yerzan tamsalt tafalesṭinit » yellan d tamsalt n tukksa n usehres ay yerzan akk amɣiwan agraɣlan, am wakken ay d-iwekked ɣef udhal « ummid d uruwtil » n Zzayer i uɣref afalesṭini arma d asmi ar ad-izeddi « awanak-nnes amzarug s Lquds d tamaneɣt-nnes », ɣef wakken ay d-yenna uɣbalu-a.

I lmend n waya, yesmekti-d Mass Goudjil amirew n uselway n tegduda, Mass Abdelmadjid Tebboune, i lmend n temsalt tafalesṭinit, d amirew ay d-yesmuynet s teɣri-nnes i Yiɣlanen Yeddukklen d Useqqamu n Tɣellist akken ad mahlen ɣef uḥbas n utɛeddi n unewdag aṣehyuni mgal Tmesgida n Laqṣa d umesten n Yifalesṭiniyen seg umḥaq, am wakken ay d-yerna dakken atɛeddi n unewdag ɣef Tmesgida n Laqṣa d tekriḍt mgal yimẓulla ur yesɛin ayen ayyes ara mezɣen iman-nsen deg tmesgida-a d « irkaḍen inagrawanen mgal yizerfan n umdan d tlelliyin tireslanin ».

Yebder-d uselway n useqqamu n uɣlan, seg yidis niḍen, tabṛat ay yuzen uselway Tebboune i uwnetlay amatu n Tuddsa n Yiɣlanen Yeddukklen, Antonio Guterres, deffir yitɛeddiyen ay d-yellan seg melmi kan mgal Tmesgida n Laqṣa, d tin aydeg ay d-iwekked dakken « tidyanin-a timaglayin llant-d deg wattal agraɣlan icewwlen, d win ay yesmendgen ararkad n temnaḍt n Ugmuḍ Alemmas yernu tcewwel akala n tifrat tuɣdimt d tagrant i temsalt tafalesṭinit ».

Mass Goudjil yules iwekked-d tiɣri n uselway Tebboune i waytmaten ifalesṭiniyen akken « ad zdin idurra-nsen yernu ad d-sseḍrun amsuɣal aɣelnaw afalesṭini ».

 

Last modified on Aynas, 23 Mayu 2022 08:27
Goudjil yules iwekked-d ɣef « udhal aruwtil » n Zzayer i uɣref afalesṭini
  Yeffeɣ-d ass n : Asamas, 22 Mayu 2022 12:47     Taggayt : LEZZAYER     Ɣran-t : 0 n tikkal   Bḍu