Deg yiwet n tesguri i tɣemsa deffir umager ay t-yemmuger uselway n tegduda, Mass Abdelmadjid Tebboune, deg tesɣimt n tselwit n tegduda, yenna-d ugeldun Faysal Ben Farhan dakken amyager-nnes d uselway n tegduda d win ay ten-yeǧǧan ad d-ssiwlen ɣef « wakk tinqiḍin tixatarin » gar snat-a n tmura, am wakken ay d-iwekked dakken yessefled i waɣaden n uselway Tebboune yerzan asdusu n usemyuddes d unmireg gar snat-a n tmura deg wakk tiɣula, ladɣa tasertit d tdamsa.

Yenna-d dakken aɣaden-a d wid yeddan d tmehla n Tgelda Tasaɛudit yernu assaɣen yellan gar snat-a n tmura tiysetmatin d tumasanin i tigawt taɛṛabt tucrikt.

Aɣella n tdiplumatit tasaɛudit yessenfali-d, deg tegnit-a, « asnemmer d tejmilt n Tgelda Tasaɛudit i Zzayer imi ay tedhel timmazwert n tgelda akken ad temmager Tazikkent Tameɣradant n EXPO 2030 deg temdint n Riyaḍ ».

Yenna-d daɣ dakken yessawel d uselway n tegduda ɣef temsal tigejdanin tigraɣlanin ay d-yellan seg melmi kan, yernu iwekked-d dakken yella umyades d ameqqran deg tmuɣiwin gar Zzayer d Tgelda Tasaɛudit deg wayen yerzan timsal n tɣellist ama deg temnaḍt, ama deg umaḍal.