Print this page

Izen n uselway Tebboune i lmend n wass aɣelnaw n umezraw

Yeffeɣ-d ass n : Akwas, 19 Mayu 2022 10:07   Ɣran-t : 0 n tikkal
  • Bḍu
Izen n uselway Tebboune i lmend n wass aɣelnaw n umezraw

ZZAYER TAMANEƔT – Yuzen uselway n tegduda, Mass Abdelmadjid Tebboune, ass n ukras, izen i lmend n wass aɣelnaw n umezraw, d ta ay d tasuqqilt-nnes n Tnegga n Yisalan n Zzayer:

« S yisem n Yuc, Amallay, Amnahaɣ,

Talwit d Tlemmiḥt ɣef Umazun-nnes,

A imezrawen, a timezrawin,

Ass n umezraw ay d-yettilin ass n 19 Mayu d tagnit i yimezrawen d tmezrawin akken ad d-mmektin tagallit n wid ay ten-yezwaren, isdawanen d yisnawanen ay igan asunded deg wass yecban ass-a deg 1956, yernu d ta ay d tadyant ay yeǧǧan aṭas n yilemẓiyen ad alin ɣer udrar yernu ad derwen deg umennuɣ umrig, d amennuɣ wukkud beddent tissugriwin tussnanin, yellan d adhal adusan i Tegrawla Tamangant.

Ass-a nettzuxxu s yiseḍra ay tetteg tesdawit yal aseggas s usuffeɣ n tesmalin ay d-yettemseḍfaren n yigurdisen yernu tessaweḍ tesdawit-nneɣ ad d-tessuffeɣ 5 n yimelyunen n yigurdisen seg uzarug ar ass-a, dɣa s waya, nettarra tajmilt i temlilt ay turar tesdawit i lmend n usduqqes n tesdawit.

Tamurt teṣk iɣerbazen iɣelnawen imingen deg tmezzugin tussnanin tinaẓiyin, tcar-d isfuyla n tifazit, ttwasɣenwent-d mennaw n tnarmin n unadi i uselhu n ugmuḍ asensegman d tɣara n usileɣ d uselhu n tissugra n yigurdisen.

Wi d iseḍra ara d-yeslalen tasdawit n uswingem ilelli, n udiwenni amaglay, n tezɣent ibennun d unerẓam ɣef twennaḍt-nneɣ s tmeṣkiwt n tnezgarin d yiɣsuren idamsanen, idelsanen d yinmettiyen akked umaḍal uffiɣ s wassaɣen d umḍan ameqqran akk n tesdawiyin.

Akken ad nessiweḍ ɣer waya, nefka azal yernu n nettḍafar igzuen n usegmi d uselmed imineg akken ad nessali aswir n yigzumen-a ɣer win n umaḍal yernu ad yeddu d tnaẓit tussnant d tesnatwilant, d tamuɣli yersen ɣef usefti deg yihri alsan n uɣlan, ladɣa imi d tin ay d tabaɣurt n tidet i tmeṣkiwt n Zzayer tamaynut imergen s tissugriwin n tillumẓa-nnes.

Deg wass-a n umezraw, yellan d tadyant tamezruyant ineqcen deg tmangin n uɣlan yernu d anagi n udraw n yimezrawen deg umennuɣ umrig, tthenniɣ seg wul timezrawin d yimezrawen-nneɣ ɛzizen, yernu ssarameɣ-asen amures d ummid akken ad derwen deg tmeṣkiwt n Zzayer s umrig n tussna, tasnatwilt d tmussni yernu s tekdit i tgallit n yimeɣrusen d yizen-nsen amaɣlal.

Tudert i Zzayer,

Tamanegt d teɣlalt i yimeɣrusen-nneɣ ibɣasen

Talwit d tlemmiḥt n Yuc fell-awen. »

 

Last modified on Akwas, 19 Mayu 2022 18:48
Izen n uselway Tebboune i lmend n wass aɣelnaw n umezraw
  Yeffeɣ-d ass n : Akwas, 19 Mayu 2022 10:07     Taggayt : LEZZAYER     Ɣran-t : 0 n tikkal   Bḍu