Menu principal

Menu principal

Zzayer-Ṭṭerk: Iger-d uselway Tebboune tiɣri i usugget n unmireg d tesdawiyin tiṭerkiyin

Yeffeɣ-d ass n : Akras, 18 Mayu 2022 09:11   Ɣran-t : 1 n tikkal
Zzayer-Ṭṭerk: Iger-d uselway Tebboune tiɣri i usugget n unmireg d tesdawiyin tiṭerkiyin

SṬEMBUL – Yessarem uselway n tegduda, Mass Abdelmadjid Tebboune, ass n usinas deg Sṭembul, akken ad yettwassugget unmireg gar tesdawiyin tizzayriyin d tṭerkiyin.

Deg tfugla n tukci n ugerdas n uduktur n userhu i uselway n tegduda deg tesdawit n Sṭembul, yenna-d Mass Tebboune dakken yessaram ad ggten wassaɣen isdawanen gar Zzayer d Ṭṭerk, yernu yesmekti-d dakken yenna i uneɣlaf n ulmud imineg d yiselwayen n tesdawiyin dakken « tasdawit tazzayrit, ass-a, attan d tamzarugt yernu d tilellit akken ad teg asiknew d tesdawiyin ay teɣs ».

« Tasdawit yeɣsen ad teg asiknew d Sṭembul, ad tt-id-iṣaḥ waya, tin yeɣsen ad teg asiknew d Lqahira, ad tt-id-iṣaḥ waya, yernu tin ay yeɣsen ad teg asiknew d Sorbonne, ad tt-id-iṣaḥ waya, yernu yessefk ad ikemmel waya arma nerẓem tisdawiyin-nneɣ akk ɣef umaḍal n tussna yernu d aya ara iḍemnen azarug-nneɣ yernu ad yili d tadusi i tdamsa-nneɣ », ɣef wakken ay d-yenna.

Yenna-d uselway Tebboune dakken yummar imi ay d-yufa tasdawit n Sṭembul d « asfaylu anɣermay n talsa, d win ay d-inezzɣen imdanen yettnadin ɣef tussna d tmussni akken ad ssnen taɣerma taqburt n Tegduda n Ṭṭerk yellan d tamurt taweltmat ».

Yessenfali-d daɣ uselway n tegduda asnemmer-nnes i yimasayen n tesdawit n Sṭembul imi ay as-fkan aduktuṛa n userhu, yernu yessarem-asen amures ummid deg uḥraz n tesdawit-a ay d-yettɣimin d « tanagit n tumast tadettant n uwanak aṭerki d umyezgi-nnes d tetrara, yernu yettban-d waya s ufara d unegmu ay d-yellan deg Ṭṭerk ddaw ulway n tifazit-nnes aselway Recep Tayyip Erdogan ».

 

Zzayer-Ṭṭerk: Iger-d uselway Tebboune tiɣri i usugget n unmireg d tesdawiyin tiṭerkiyin
  Yeffeɣ-d ass n : Akras, 18 Mayu 2022 09:11     Taggayt : LEZZAYER     Ɣran-t : 1 n tikkal   Bḍu