Menu principal

Menu principal

Ifuk uselway Tebboune tirzi-nnes n uwanak ɣef Ṭṭerk: Asdusu n unmireg

Yeffeɣ-d ass n : Akras, 18 Mayu 2022 08:50   Ɣran-t : 2 n tikkal
Ifuk uselway Tebboune tirzi-nnes n uwanak ɣef Ṭṭerk: Asdusu n unmireg

ZZAYER TAMANEƔT – Tirzi n uwanak ay iga uselway n tegduda, Mass Abdelmadjid Tebboune, ɣef Ṭṭerk s uneɛruḍ n umtil-nnes aṭerki, Recep Tayyip Erdogan, d tin aydeg ttwazemlen mennaw n yimtawayen d tsektayin n umsegzu i usdusu n unmireg asindisan deg wakk tiɣula yernu d tin daɣ aydeg d-yettwawekked umsegzu deg tmuɣliwin ɣef temsal n tnafut tucrikt gar Zzayer d Ṭṭerk.

Yebda uselway Tebboune tirzi-nnes n kraḍ n wussan ɣef Ṭṭerk s umyager d yigensasen n umɣiwan aɣelnaw yedden deg Ṭṭerk, d ansay ay itteg yal tikkelt aydeg ara yeddu ɣer uzɣar. I lmend n waya, yelles aɣbel n yimaslaḍen n umɣiwan-a deg wayen yerzan tagnit tadrimant n Zzayer.

Deg wass wis sin n terzi-nnes n uwanak, yemmuger-it umtil-nnes aṭerki, Recep Tayyip Erdogan,k amager d aḥmayan yernu ssawlen ɣef « wassaɣen inesbuɣar d yilqayanen » icerken snat-a n tmura d yiɣerfan-nsent.

Deg wass wis kraḍ n terzi-nnes, aselway Tebboune yellan deg Sṭembul, yettunefk-as uduktuṛa n userhu deg wassaɣen igraɣlanen deg Tesdawit n Sṭembul, yiwet seg tesdawiyin tiṭerkiyin yesɛan azal meqqren akk yernu d nettat ay d tasdawit tawerdanit tis kraḍt wuɣur tteddun yimezrawen izzayriyen.

Azwel-a yettunefk-as d « tajmilt i wussisen-nnes deg wayen yerzan anmireg agraɣlan d umnaḍan d usnegmu n wassaɣen gar Zzayer d Ṭṭerk ».

 

Last modified on Akras, 18 Mayu 2022 15:07
Ifuk uselway Tebboune tirzi-nnes n uwanak ɣef Ṭṭerk: Asdusu n unmireg
  Yeffeɣ-d ass n : Akras, 18 Mayu 2022 08:50     Taggayt : LEZZAYER     Ɣran-t : 2 n tikkal   Bḍu