Menu principal

Menu principal

Zzayer tessaẓer « s tdusi » tanṭagt taremmaɣt ay d-yellan deg Togo

Yeffeɣ-d ass n : Akwas, 12 Mayu 2022 16:02   Ɣran-t : 2 n tikkal
Zzayer tessaẓer « s tdusi » tanṭagt taremmaɣt ay d-yellan deg Togo

ZZAYER TAMANEƔT – Tessaẓer Zzayer « s tdusi » tanṭagt taremmaɣt ay iḥukṛen, deg yiḍ n wass n usinas d ukras, yiwen n unsa anaẓi n yiɣallen umrigen itogoliyen deg ugafa n tmurt ay yenɣan yernu yessages mennaw n yimdanen, ɣef wakken ay d-yenna, ass n ukwas, yiwen n ulɣu n uɣlif n yiweẓla iwerdaniyen.

« Zzayer tessaẓar s tdusi tanṭagt taremmaɣt ay iḥukṛen, deg yiḍ n 10 d 11 Mayu 2022, yiwen n unsa anaẓi aydeg mmuten yernu ugsen mennaw n yimdanen »,  ɣef wakken ay d-yenna ulɣu-a.

« Deg tegnit-a tuqriḥt, Zzayer tettɛezzi tiwaculin d yiqriben n teɣtas yernu tessaram tujjya i yimagusen am wakken ay d-tettwekkid i unabaḍ atogoli tamsetlelt-nnes d udhal-nnes deg umennuɣ mgal tremɣa », ɣef wakken ay d-yerna.

Zzayer « tettales tettwekkid-d tiɣri-nnes i tsedmirt d tumqitt yernu d tamellilt n Tdukli Tafriqit d umɣiwan agraɣlan i tukksa n uxeṣṣar-a ay yezgan yettafk aẓar deg Tefriqt yernu itteggez talwit d tɣellist deg umenẓaw afriqi yernu d win ay ireglen abrid i wussisen n usnegmu-nnes adamsan ».

« Taqacuct tafeɣnamit ay d-itteddun n Tdukli Tafriqit ara d-yilin deg Malabo d tin aydeg ara tedrew Zzayer adraw d urmid akken ad teḥrez aguccel d tigawt tucrikt yemsetlalen ara yeddmen deg leḥsab temɣer d timmaglit n tuggza-a », ɣef wakken ay d-yenna ulɣu-a.

 

Zzayer tessaẓer « s tdusi » tanṭagt taremmaɣt ay d-yellan deg Togo
  Yeffeɣ-d ass n : Akwas, 12 Mayu 2022 16:02     Taggayt : LEZZAYER     Ɣran-t : 2 n tikkal   Bḍu