« Zzayer d Rrus cerken-tent wassaɣen n ṣṣfa d tammidwa », ɣef wakken ay d-yenna Mass Lavrove i tɣemsa mi ifuk umyager-nnes d uselway n tegduda, Mass Abdelmadjid Teboune, deg tesɣimt n tselwit n tegduda, am wakken ay d-yerna dakken snat-a n tmura ad sfuglent ddukli amulli wis 60 n uzeddi n wassaɣen-nsent idiplumatiyen ɣer yidis n umulli wis 60 n uzarug n Zzayer.

Tasguri n Unmireg Asnuddsan ay zemlent snat-a n tmura deg 2001 tella-d d « tirselt n wassaɣen isindisanen yernu nules nwekked-d, ass-a, ɣef tixxutert n tigawt tucrikt i usdusu n unmireg asindisan deg ukatar n uzmal n teftart tamaynut ara yilin d tirselt i wassaɣen-a », ɣef wakken ay d-yesmekti.

« I lmend n usnegmu n wassaɣen isertanen d usdusu n unmireg anezzan, adamsan, aredsabn aẓuran, adelsan d ulsan, nefka-as daɣ i uselway Tebboune aneɛruḍ n umtil-nnes arusi, Vladimir Putin, akken ad yerzu ɣef Musku ».

Deffir ma yessenfakli-d Mass Lavrov « adwat » n tmurt-nnes deg wayen yerzan anegmu n wassaɣen isindisanen gar tmurt-nnes d Zzayer, yenna-d dakken « ableɣ n yimsenfalen inezzanen gar snat-a n tmura yewweḍ ɣer 3 n yimelyaṛen n yidulaṛen aseggas yezrin », am wakken ay d-yerna dakken « llant tlemmiẓin i usihrew n yiglan » gar snat-a n tmura.