Menu principal

Menu principal

Yettwackeṛ usdusu n ugenses adiplumati gar Zzayer d Busnya d Hirziguvina

Yeffeɣ-d ass n : Asinas, 10 Mayu 2022 12:15   Ɣran-t : 0 n tikkal
Yettwackeṛ usdusu n ugenses adiplumati gar Zzayer d Busnya d Hirziguvina

ZZAYER TAMANEƔT – Cekṛen-d uneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra d tenmazult n uselway n useqqamu n yineɣlafen, taneɣlaft n yiweẓla iwerdaniyen n Busnya d Hirziguvina, Massa Bisera Turkovic, aɣtas ay ddmen yiduba unnigen n snat-a n tmura i usdusu n ugenses adiplumati s urẓam n tmuzal deg Zzayer d Busnya d Hirziguvina, ɣef wakken ay d-yenna, ass n uynas yiwen n ulɣu n uɣlif n yiweẓla iwerdaniyen.

Yella-d waya deg umyager ay d-yellan ass n uynas gar Mass Lamamra d tnebgit-nnes tabusnit, Massa Bisera Turkovic, ay d-yerzan ɣef Zzayer deg yiwen n udiwenni udem ɣer wudem aydeg derwent tmagliwin n snat-a n tmura yernu yella-d wawal gar-asen ɣef tammidwa icerken snat-a n tmura d tukci n wazal i tgemmi tadelsant d talsant ay icerken iɣerfan azzayri d ubusni.

Cekṛen-d sin-a n yineɣlafen aɣtas n yiduba n snat-an n tmura akken ad sdusen agenses adiplumati gar Zzayer d Sarajevo s urẓam n tmuzal yernu ḥetteten-d ɣef tixxutert n umahil i usmal n unmireg asindisan, ladɣa deg wayen yerzan idis aɣedman, ɣef wakken ay d-yenna ulɣu-a.

I lmend n waya, ssawlen-d sin-a n yidisan daɣ ɣef unmireg asertan d uɣellisan ama deg uswir amnaḍan, ama deg uswir agraɣlan, yernu wekkden-d ɣef wanaḍ n usugget n umciweṛ d usemyuddes gar snat-a n tmura deg wayen yerzan timsal n tnafut tucrikt.

 

Yettwackeṛ usdusu n ugenses adiplumati gar Zzayer d Busnya d Hirziguvina
  Yeffeɣ-d ass n : Asinas, 10 Mayu 2022 12:15     Taggayt : LEZZAYER     Ɣran-t : 0 n tikkal   Bḍu