Ɣef leḥsab n uɣbalu-a, asinatur Abdelkrim Korichi, anmazul n uselway n Tseqqimt n Yiweẓla Iwerdaniyen d Yisertanen n Tɣellist Taɣelnawt deg Umni Aɛṛab, yessemned-d « tinqiḍin tigejdanin n termit tawamnit tazzayrit ay yessawḍen ɣer useḍru n usnegmu unzig ».

Deg tgermant-nnes, yebder-d Mass Korichi « tarmit tawamnit tazzayrit d temlilin timenḍawanin tigejdanin n umni aɣelnaw deg wayen yerzan aseḍru n yiswiyen n usnegmu unzig d usegzu n waya deg tsiḍeft tazzayrit », am wakken ay d-iwekked ɣef « yidisan isiḍfanen d yisudanen n yiḍrisen n usaḍuf yerzan asnegmu unzig, ladɣa tamenḍawt, aɣawas n tigawt n unabaḍ d usaḍuf n tedrimt ».

Agensas n Useqqamu n Uɣlan yessawel-d daɣ ɣef « yisaḍufen yemgerraden yerzan asnegmu unzig, mraw kraḍ (13) n yisaḍufen ay yesmemmi umni azzayri deg yiseggasen-a ineggura, gar-asen asaḍuf yerzan aḥezzeb i tmijwin tixatarin d usefrek n twuɣa deg ukatar n usnegmu unzig akked usaḍuf yerzan asmal n teẓwar d-yetteqqalen deg ukatar n usnegmu unzig ».

Iwekked-d daɣ umasay-a dakken Zzayer « tger isurifen d imeqqranen deg wayen yerzan aseḍru n yiswiyen n usnegmu unzig s usnas n wahil n uselway n tegduda, Mass Abdelmadjid Tebboune, akken ay d-mlan yimla d yimataren iketten akettur n yigmanen islekmanen deg useḍru n yimuqqnen-nsen s temyadast tafarant d tummidt ay yeddan d Tesmektayt n 2030 ».