Menu principal

Menu principal

Imeẓla n ugensu lhan-d s usekyed n yisenfaren igersen

Yeffeɣ-d ass n : Asimwas, 18 Fuṛaṛ 2022 15:10   Ɣran-t : 17 n tikkal
Imeẓla n ugensu lhan-d s usekyed n yisenfaren igersen

 

ZZAYER TAMANEƔT – Ixebber-d uneɣlaf n ugensu, tinbaziyin tidiganin d useqɛed n ugelluy, Kamel Beldjoud, dakken imeẓla n ugezdu-nnes lhan-d, ussan-a, s usekyed n yisenfaren ugrisen deg wakk tiwilayin n tmurt i wallus n uktazel-nsen d usekker-nsen.

Deg tririt-nnes ɣef tuttra n umazan Hocine Hadjadji ɣef useḍru n tesɣimt n tɣellist deg Ḥemmam Nnbayel (Galma), ixebber-d Mass Beldjoud dakken imeẓla n ugezdu-nnes lhan-d, imir-a, s usekyed n yisenfaren ugrisen deg wakk tiwilayin n tmurt i wallus n uktazel d usekker ɣef leḥsab n wammaken yellan.

Yenna-d dakken « taduli taɣellisant n tdayṛa-a teḍmen-itt temsetla taɣelnawt » yernu yenna-d dakken d ta ay d tadayṛa tayiwnant, deg twilayt-a, ur yesɛin ara tamsulta. Yesmekti-d, daɣ, dakken Ḥemmam Nnbayel tesfaydi-d, deg 2015, seg usekyed n usersi n temsulta deg-s ɣer yidis n tmeṣkiwt n 20 n tnezduɣin n twuri s tjellabt tadrimant n 18 n yimelyunen n yidinaṛen, maca tettwassegres tamhelt-a.

Mi t-yetter umazan Ali Ben Sebgag (d amzarug) ɣef « ucegger » n tenzagt n umeẓlu n yimeggiyen n tɣellist taɣelnawt deg twilayin n unẓul d ucegger n tekfi-nsen, ixebber-d Mass Beldjoud dakken ameẓlu-a « ur yerzi ara kra akken n taggayt n temsulta wanag yerza amgi n leɛmeṛ d tegnit tafekkant n umsaltu d tejṛa tinmettiyin ay izemren ad ttwaɛfunt seg umuqqen-a », am wakken ay d-yerna dakken tanzagt n umeẓlu deg twilayin n unẓul sbaduyen-tt-id s yisefran ibanen.

I lmend n waya, yesmekti-d s wakaten n tanaḍt taslekmant uṭṭun 10-322 (22 Dujembeṛ 2010) yerzan  aẓayer amaẓlay n yinawuren yeqqnen ɣer kra n tfekkiwin n tɣellist taɣelnawt (tamsulta) ay d-yenna dakken « imeggiyen n temsulta yessefk ad mahlen kra n tallit deg twilayin n unẓul… d tallit ara yeqqimen 2 n yiseggasen deg wayen yerzan anẓul imiɣef, d 4 n yisggasen deg wayen yerzan tiwilayin n unẓul ».

 

 

Last modified on Asimwas, 18 Fuṛaṛ 2022 20:55
Imeẓla n ugensu lhan-d s usekyed n yisenfaren igersen
  Yeffeɣ-d ass n : Asimwas, 18 Fuṛaṛ 2022 15:10     Taggayt : LEZZAYER     Ɣran-t : 17 n tikkal   Bḍu