Taẓeyt n lkeṛh n Lezzayer, n uɣref-is akked tsuda-s tuzrifin mazal-it yeǧhed deg usliẓri anagdud afransi.

Aserriɣ, ur nelli d aferriɣ, i d-tfares terga tafransit-talmanit ARTE, ɣef temrawt taberkant i yesɛan iswi n tririt n tsersi-nni i d-yettinin « anwa i yenɣa anwa » yefka-d ttbut dakken, i tikkelt-iḍen daɣen, imidyaten-a mazal ɣur-sen asirem n tuɣalin n ungar amatu deg Lezzayer.

Imidyaten inagduden ifransiyen i yeldin tiwwura-s i FIS yettwasfesxen, d akabar amasay n tmettant n wugar n 200.000 n yimdanen, la d-ttaken ttbut dakken tisersi n « anwa i yenɣa anwa » mazal-itt la tettazzal deg yimidyaten n umeẓlu anagdud afransi.

Yerna, amasay n yimidyaten-a i iremsen s yifassen yeldin amussu aremmaɣ Rachad, win i d-iwerten akabar n FIS, yessefk fell-as ad iwali agmuḍ n ubrir n « tefsut taɛrabt » i yuɣalen d angar amatu akked tnegzart deg Surya akked Libya.

Yella yiwen n beqqu yettwabeṭṭḥen akken ad sɣenwen tiwtilin n ungar amatu deg Lezzayer i yugin ad yizzayriyen tt-ddren daɣen neɣ ad as-alsen. Ṭṭfen deg urkad n tmurt-nsen, deg tɣellist i teḍmen Tredsa taɣelnaw taɣerfant akked tlelli-nsen i yeḍmen, i yemmesten uselway n Tegduda, Abdelmadjid Tebboune.