Yesselwi unmazul n uselway n Ugraw Aɣerfan Aɣelnaw d-yelhan s urmud uffiɣ, Moundir Bouden, tafugla n usdabu n Tegrawt Tawamnit n Tammidwa gar Zzayer d Falesṭin yernu d tin aydeg han anmazal n Falesṭin deg Zzayer, Fayez Mohamed Mahmoud Abou Aita, agensas n uɣlif n yiweẓla iwerdaniyen d umɣiwan aɣelnaw deg uzɣar, Omar Harfouche d uselway n Tegrawt Tawamnit Tazzayrit-Tafalesṭinit, amazan Hamza Hamlaoui (n Terni n Uslelli Aɣelnaw).

Deg tinawt-nnes n urẓam, yenna-d Mass Bouden dakken Tagrawt n Tammidwa gar Zzayer d Falesṭin « tesskanay-d amuqqen n Zzayer d udhal-nnes i umennuɣ n uɣref afalesṭini d yizerfan-nnes uzerifen, ladɣa asuɣal n uzref-nnes ummid deg ukatar n Tnettamt n Yiɣlanen Yeddukklen d yimenzayen-nnes ».

Tagrawt-a n tammidwa ad tili d akatar n usemyuddes ara yefken ugar n usakel i tdiplumatit tawamnit i ubaɣur n temsalt tafalesṭinit yernu ad tessefrey amɣiwan agraɣlan akken ad yeddem tamasit-nnes tamezruyant d tzerfant tummidt mgal ukemmel n uwdag ay yecqarrwen tissuḍeft tagraɣlant yernu yettarem ad d-iḥettem tilawt tasertant deg unrar.

Asdabu-a yella-d d « yiwet seg tiddiyin n udhal aruwtil n temsalt tafalesṭinit ».