Print this page

Asiǧew azzayri n wurrig yettwasmengin: Anerni n 7,8% deg 2021

Yeffeɣ-d ass n : Akwas, 27 Yennayer 2022 13:17   Ɣran-t : 20 n tikkal
  • Bḍu
Asiǧew azzayri n wurrig yettwasmengin: Anerni n 7,8% deg 2021

ZZAYER TAMANEƔT – Txebber-d, ass n ukras, Tuddsa n Tmura Taɛṛabin n Yimsiǧwen n Upitṛul, dakken yerna usiǧew azzayri n wurrig agaman yettwasmengin s 7,8% deg 2021.

Deg umlu-nnes s uzwel n « amhaz n wurrig agaman yettwasmengin d uhidṛujin deg ukraḍyur aneggaru n 2021 », tenna-d tuddsa-a dakken « Zzayer tfuk aseggas n 2021 s usiǧew amakki n 11,48 n yimelyunen n yiṭunen deg wakud aydeg tessaǧew 10,58 n yimelyunen n yiṭunen aseggas uqbel. S waya, yella-d unerni n 7,8% ».

Deg ukraḍyur kan aneggaru, isiǧwen izzayriyen n wurrig agaman yettwasmengin wwḍen ɣer 2,74 n yimelyunen n yiṭunen deg wakud aydeg tessaǧew, deg ukraḍyur aneggaru n 2020, 2,5 n yimelyunen n yiṭunen. Yella-d s waya unerni n 9,6% ɣef leḥsab n ukraḍyur aneggaru n 2020.

Ɣef leḥsab n tuddsa-a, tineɣreft n usmengi n wurrig agaman n Skikda tkemmel timhal-nnes n usiǧew deg ukraḍyur aneggaru n 2021 s ubleɣ n 0,7 d amelyun n yiṭunen, deffir ma teḥbes acḥal n wayyuren deg 2020. Tanecta ay d-yeqqimen seg wurrig agaman yettwasmengin ay tessaǧew Zzayer d ayen ay d-yettwafarsen deg tneɣreft n Arzew.

Amur ameqqran seg waggaten ay tessaǧew Zzayer d urrig agaman yettwasmengin yettwawehha ɣer wulzuzen uṛufiyen ladɣa imi ay yerna usuter n wurrig din.

Asiǧew azzayri n wurrig yettwasmengin: Anerni n 7,8% deg 2021
  Yeffeɣ-d ass n : Akwas, 27 Yennayer 2022 13:17     Taggayt : LEZZAYER     Ɣran-t : 20 n tikkal   Bḍu