Menu principal

Menu principal

Zzayer/Qaṭar: Azmal n tsektit n umsegzu n unmireg deg tɣult tazerfant

Yeffeɣ-d ass n : Asinas, 25 Yennayer 2022 13:17   Ɣran-t : 13 n tikkal
Zzayer/Qaṭar: Azmal n tsektit n umsegzu n unmireg deg tɣult tazerfant

ZZAYER TAMANEƔT – Zemlent Zzayer d Qaṭar tasektit n umsegzu i unmireg azerfan, ass n uynas deg Zzayer, yernu yella-d waya deg ukatar n usdusu n wassaɣen n unmireg asindisan deg tɣult tazerfant d usmal n tigawt taɣedmant gar snat-a n tmura.

Tasektit-a yezmel-itt uneɣlaf n teɣdemt, amḍif n yitliyen, Abderrachid Tabi, seg yidis azzayri, d umtil-nnes aqaṭari Messaoud Ben Mohamed El Amiri.

Deffir tfugla n uzmal, yenna-d Mass Tabi dakken « tamellilt n tigawt taɣedmant d tin ay yessefken ad tekk tamara ɣef unnerẓam ɣef termitin tigraɣlanin, dɣa ɣef waya ay d-yella uzmal n umtawa-a ay neɣs ad yili d asurif axatar ay d-yernan ɣer yidis n yimtawayen niḍen ay tezmel Zzayer d Qaṭar.

Yerna-d dakken « tasemseddut-a tazerfant tasudant d tin ara ireẓmen abrid i tfekkiwin n yineflusen n snat-a n tmura deg wayen yerzan timeskar iwatan i lmend n uselhu n usileɣ i usekmem n wazalen n teɣdemt d tnaya n usaḍuf i lfayda n yiɣermanen n snat-a n tmura ».

Mass Tabi iwekked-d, seg yidis niḍen, dakken taftart-a « d tin ara d-yilin d tazwara tamaynut yernu ad d-yesduqqes tadinamit n unmireg gar yiɣlifen n teɣdemt n snat-a n tmura am wakken ara d-farṣen yibugaṭuren, imuzzayen iɣedmanen d wammasen n unadi d yiɣerbazen n usileɣ n yineflusen seg waya ».

 

Last modified on Asinas, 25 Yennayer 2022 15:51
Zzayer/Qaṭar: Azmal n tsektit n umsegzu n unmireg deg tɣult tazerfant
  Yeffeɣ-d ass n : Asinas, 25 Yennayer 2022 13:17     Taggayt : LEZZAYER     Ɣran-t : 13 n tikkal   Bḍu