Deg yiwen n ulɣu i smemmin deg taggara n temlilit i d-yeḍran ass n 14 yennayer i gan ɣef liḥala deg Mali, Aseqqamu n Telwit akked Tɣellist (CPS) « izul tidgi n Lezzayer deg urafeq n Tegduda Tamalit akked Umɣiwan adamsan n Yiwanaken n Tefriqt n Utaram (CEDEAO) deg ubrid imsukkes n usegzi ».

Yeɣra-d daɣen i yiduba n Tukkit deg Mali akked Umɣiwan adamsan n Yiwanaken n Tefriqt n Utaram (CEDEAO) akken ad mmirwen « ddukli deg tigawt-a akken ad frun tineqqiḍin iɛellqen iɣef mgaden i usishel n tuɣalin n Mali ɣer umuken amenḍawan deg tenzagt yettwaqbalen, ur ntekk ara nnig n mraw d sḍis (16) n wayyuren.

Deg wattal-a, yenna-d Useqqamu n Telwit akked Tɣellist (CPS) dakken aseddu n wakaten n yilɣa n i d-yessufeɣ Umɣiwan adamsan n Yiwanaken n Tefriqt n Utaram (CEDEAO) ad yettwasekyed s tuqqna ɣer yigmuḍen n wussisen ara teg Lezzayer, d timttekkit deg uqelleɛ n yiwen n udiwenni azrilan deg telwit gar Mali akked Umɣiwan adamsan n Yiwanaken n Tefriqt n Utaram (CEDEAO).