Menu principal

Menu principal

Aḍḍan n Covid-19: Awexxer n wakk tirza n umahil d usefqed n yimaslaḍen n unabaḍ

Yeffeɣ-d ass n : Asimwas, 21 Yennayer 2022 12:34   Ɣran-t : 17 n tikkal
Aḍḍan n Covid-19: Awexxer n wakk tirza n umahil d usefqed n yimaslaḍen n unabaḍ

ZZAYER TAMANEƔT – Yenced-d uneɣlaf amenzu, aneɣlaf n tedrimt, Aimene Benabderrahmane, imaslaḍen n unabaḍ akken ad wexxren akk tirza-nsen n umahil d usefqed ay llan ssefrayen ad tent-gen ɣef twilayin n tmurt yernu yella-d waya ɣef lǧal n tegnit tabayyurant aydeg tella tmurt d tmerniwt taxatart n umḍan n wid yettaḍnen aḍḍan n Covid-19.

« Ɣef lǧal n tegnit tasenbayyurant yellan deg tmurt yernu d tin aydeg yerna umḍan n wid yuḍnen aḍḍan n Covid-19 timerniwt d taxatart s wawwaḍ n tsenfal d timaynutin n unfafad-a, s userhu ara awen-ssutreɣ ad twexxrem akk tirza-nwen n umahil d uswaḍ ay tessefrayem ad tent-tgem deg twilayin n tmurt », ɣef wakken ay d-yenna uneɣlaf amenzu deg yiwet n tenqiḍt ay yuzen, ass n ukwas, i yimaslaḍen n unabaḍ.

« Ad awen-ssutreɣ daɣ ad twexxrem asihel n wakk imyagren d wussan n tezrawt, am wakken ara tesseḥbibrem ɣef ugdal n usuddes n wakk imsegrawen deg tdeblin-nwen, ama deg uswir alemmas niɣ deg uswir adigan, yernu yella-d waya d akat n uḥezzeb ay yessefk ad yettwazrek », ɣef wakken ay d-yerna.

Iwekked-d uneɣlaf amenzu dakken yettakf tixxutert d tameqqrant i usnas umqit n lewṣaya-a, yernu iwekked-d dakken akat-a ad yeqqim arma tettunefk-d tsunḍa niḍen.

 

Aḍḍan n Covid-19: Awexxer n wakk tirza n umahil d usefqed n yimaslaḍen n unabaḍ
  Yeffeɣ-d ass n : Asimwas, 21 Yennayer 2022 12:34     Taggayt : LEZZAYER     Ɣran-t : 17 n tikkal   Bḍu